ទីក្រុងស៊ីដនី ៖ ក្រុមហ៊ុនទូរទស្សន៍ អ៊ីនធើណេត បានបញ្ជាក់ទៀតថា ការវាយប្រហារ តាមប្រព័ន្ធអ៊ីនធើណេត បានរំខានដល់ការ ផ្សាយផ្ទាល់របស់ប៉ុស្តិ៍ Channel Nine ពីទីក្រុងស៊ីដនី ក្នុងពេលដំណាលគ្នា នឹងការវាយប្រហារ ដែលបណ្តាលឲ្យប្រព័ន្ធអ៊ីម៉ែល របស់សភាត្រូវបានគេប្រើប្រាស់ នៅក្រៅប្រព័ន្ធ អ៊ីនធើណេត យោងតាមការចេញផ្សាយ ពីគេហទំព័រស្គាយញ៉ូវ ។
ជាលទ្ធផល នៃការវាយប្រហារ កម្មវិធីព័ត៌មាន ពេលព្រឹកថ្ងៃអាទិត្យ របស់ស្ថានីយ៍វិទ្យុ Weekend Today មិនត្រូវបានចាក់ផ្សាយទេ ហើយក៏មិនមានការផ្សាយ ព័ត៌មាននៅម៉ោង ៥ ល្ងាចនោះដែរ ទោះបីជាកម្មវិធីនាពេលអនាគត ត្រូវបានគេរំពឹងថា នឹងផ្សាយជាធម្មតាក៏ដោយ។ ទោះបីជាលក្ខណៈនៃការវាយ ប្រហារមិនទាន់ត្រូវបាន គេបញ្ជាក់ក៏ដោយ ក៏Channel Nine បាននិយាយថា ខ្លួនកំពុងស៊ើបអង្កេតថា តើវាជាបញ្ហានៃការបំផ្លាញ ឧក្រិដ្ឋកម្ម នៃការងារ របស់ប្រជាជាតិបរទេសមួយ? ។
ជាមួយគ្នានេះដែរ ជំនួយការការពារជាតិ របស់ប្រទេសនេះ លោក Andrew Hastie បានប្រាប់ News.com.au ថា រដ្ឋាភិបាល ត្រូវបានបង្ខំឲ្យកាត់បន្ថយ ការចូលប្រើព័ត៌មាន វិទ្យា និងអ៊ីម៉ែលនៅវិមានសភា ដើម្បីការពារប្រឆាំង នឹងការវាយប្រហារ តាមអ៊ីនធើណេត ដែលទាក់ទងទៅនឹងអ្នកផ្តល់សេវាខាងក្រៅ ។
លោក Hastie បានបន្តថា នេះគឺជាការរម្លឹក ឲ្យបានទាន់ពេលវេលា ដែលប្រជាជនអូស្រ្តាលី មិនអាចមានការ ព្រួយបារម្ភ អំពីសន្តិសុខ តាមប្រព័ន្ធអ៊ីនធើណេត។ សន្តិសុខអ៊ីនធើណេត គឺ ជាការខិតខំប្រឹងប្រែង របស់ក្រុម និងការទទួលខុសត្រូវរួមគ្នា ។ វាចាំបាច់ណាស់ ដែលក្រុមហ៊ុន និងអង្គការអូស្រ្តាលីប្រុង ប្រយ័ត្ន ចំពោះការគំរាមកំហែងនេះ និងចាត់វិធានការ ចាំបាច់ដើម្បីធានាអធិបតេយ្យ ភាពឌីជីថលរបស់យើង ។
Nine Entertainment ដែលជាក្រុមហ៊ុនមេ របស់ទូរទស្សន៍ផ្សាយពាណិជ្ជកម្ម ជាម្ចាស់Sydney Morning Herald and The Age Newspapers បានបញ្ជាក់ថា វាត្រូវបានគេកំណត់គោលដៅ ដោយការវាយប្រហារមួយ ប៉ុន្តែគេមិនទាន់ច្បាស់ថា តើឧប្បត្តិហេតុនេះ មានទំនាក់ទំនងគ្នាឬអត់៕ដោយ៖លី ភីលីប
