នៅពេលអំពើហឹង្សា រវាងក្រុមអ៊ីស្រាអ៊ែល និងប៉ាឡេស្ទីន កាន់តែអាក្រក់ ទៅៗ ចំណែកព័ត៌មាន មិនពិតទាក់ទងនឹងភាគីទាំង២ កំពុងរីករាលដាល នៅលើបណ្តាញ សង្គមទំាងរូបភាព និងវីដែអូ យោងតាមការចេញ ផ្សាយពីគេហទំព័រស្គាយញ៉ូវ ។
Twitter បានដាក់ការព្រមានអំពីឧបាយកល ប្រព័ន្ធផ្សព្វផ្សាយនៅលើ tweet ដោយលោក Ofir Gendelman អ្នកនាំពាក្យ នាយករដ្ឋមន្ត្រីអ៊ីស្រាអែល លោកBenjamin Netanyahu ដែលត្រូវបានចែកចាយ ជាមួយអ្នកគាំទ្រ របស់លោកចំនួន ៩៧.០០០ នាក់ ។ តាមរយៈឃ្លីប tweet មានជាវីដេអូរយៈពេល ២៨ វិនាទីដែលបានអះអាងថា បង្ហាញពីការបាញ់រ៉ុក្កែត របស់ហាម៉ាស ទៅកាន់អ៊ីស្រាអែលក្នុងអំឡុងពេល នៃអំពើហិង្សាចុងក្រោយ – វីដេអូដែលលោកបាននិយាយ គឺជាភស្តុតាងនៃ “ ឧក្រិដ្ឋកម្មសង្គ្រាម” ។
ទោះយ៉ាងណាក៏ដោយវា បានលេចចេញមកថា វីដេអូនៅក្នុងសំណួរមានរយៈ ពេលយ៉ាងហោចណាស់២ឆ្នាំ ។ Tweet របស់លោក Gendelman លសរសេរជាភាសា អារ៉ាប់ និង ត្រូវបានចុះផ្សាយការពេលថ្មីៗនេះថា នេះជាភស្ដុតាង ច្បាស់លាស់ បន្ថែមទៀត ដែលថាកងជីវពលភេរវករហាម៉ាស បានបាញ់រ៉ុក្កែត ដោយចេតនាពីខាងក្នុងសង្កាត់ មានប្រជាជនរស់ នៅតំបន់ហ្គាហ្សា ។
រ៉ុក្កែតមួយភាគបីបានបាញ់ ទៅលើអ៊ីស្រាអែលបានធ្លាក់នៅខាងក្នុងតំបន់ហ្គាហ្សា ដោយសម្លាប់ជនស៊ីវិល និងកុមារ ។ ជាមួយនឹងពាក្យថា “#Gaza now” សរសេរជាពណ៌ក្រហម ជាភាសាអង់គ្លេស និងអារ៉ាប់វីដេអូ ចាប់បានគ្រាប់រ៉ុក្កែត ចំនួន ១៧ គ្រាប់ បាញ់មួយគ្រាប់ទៀត ពីកន្លែងមួយ នៅជាប់នឹងអាគារ ដែលកាមេរ៉ាកំពុងថត ។
រ៉ុក្កែត ៣ គ្រាប់ទៀត ត្រូវបានបាញ់ចេញពីឆ្ងាយបន្តិចបន្តួច បន្ទាប់មកមានការផ្ទុះមួយទៀត នៅតំបន់តែមួយ ។ ទោះជាយ៉ាងណាក៏ ដោយការស្វែងរករូបភាពបញ្ច្រាស នៃឈុតនេះបានបង្ហាញថា វាត្រូវបានគេបង្ហោះ នៅលើYouTube កាលឆ្នាំ ២០១៨ ហើយការពិពណ៌នានិយាយថា វាត្រូវបានថតនៅក្នុងទីក្រុង ដារ៉ារបស់ប្រទេសស៊ីរី។ Tweet ត្រូវបានលុបចោលតាំងពីពេលនោះមក ៕ ដោយ៖លី ភីលីព
