នៅថ្ងៃនេះកីឡាករ ខ្សែប្រយុទ្ធ ជើងចាស់ Benzema បានបង្ហាញពីជំហ ដែលខ្លួនចង់មានឧិកាស ក្នុងការចាប់ដៃគូគ្នា ជាមួយនឹងកីឡាករវ័យក្មេង ម្ចាស់ពានរង្វាន់ ពិភពលោកឆ្នាំ២០១៨ តែម្តង ជាមួយនឹងក្លឹប Real Madrid ។
Karim Benzema បានធ្វើការបង្ហាញការគាំទ្រ យ៉ាងខ្លាំងថា កីឡាករអន្តរជាតិ ខ្សែប្រយុទ្ធឆ្នើមវ័យក្មេង Kylian Mbappe នៅថ្ងៃមួយនឹងអាចលេងឲ្យក្លឹប Real Madrid ជាមិនខាន ខណៈដែលមួយរយៈចុងក្រោយនេះព័ត៌មាន ចចាមអារ៉ាម កាន់តែខ្លាំងឡើង អំពីកីឡាករដែលមានអាយដល របស់ខ្លួនគឺជាកីឡាករ CR7 តាំងតែពីវ័យកុមារនោះ ។
Benzema ដែលបានលេង ឲ្យក្លឹប Real Madrid តាំងតែពីឆ្នាំ២០០៩ បានបង្ហាញក្តីសង្ឃឹមថា កីឡាករវ័យក្មេងរូបនេះ នឹងចូលរួមជាមួយនឹងខ្លួន ក្នុងពេលឆាប់ៗនេះ នៅអេស្បាញហើយកាន់ តែច្បាស់ នោះគឺថា មកដល់ពេលនេះ Mbappe នៅតែមិនទាន់បានសម្រេចចិត្ត ក្នុងការបន្តកុងត្រាថ្មី ជាមួយនឹងក្លឹប PSG នៅឡើយនោះទេ ៕
ប្រែសម្រួល៖ស៊ុនលី
