សហរដ្ឋអាមេរិក ៖ការស្រាវជ្រាវថ្មីមួយបានព្រមានថា គ្រឿងសំអាងដែលពេញនិយម ជាងពាក់កណ្តាល ដែលត្រូវបានលក់នៅសហរដ្ឋអាមេរិក និងកាណាដាទំនង ជាមានផ្ទុកនូវសារធាតុគីមី ពុលខ្ពស់ដែលគេហៅថាសារធាតុ polyfluoroalkyl (PFAS) នេះបើយោងតាមការចេញផ្សាយពី គេហទំព័រឌៀលីម៉ែល។
ក្រុមអ្នកស្រាវជ្រាវមកពីសាកលវិទ្យាល័យ Notre Dame បានសាកល្បងផលិតផលជាង ២០០ មុខរួមទាំងអ្នកលាក់គ្រឹះផលិតផលរោមចិញ្ចើម និងផលិតផលបបូរមាត់ហើយ បានរកឃើញភ័ស្តុតាងនៃ PFAS ប្រហែលពាក់កណ្តាល (៥២ ភាគរយ) នៃពួកគេ។ អ្វីដែលគួរឲ្យព្រួយបារម្ភនោះគឺការស្រាវជ្រាវពីមុន បានផ្សារភ្ជាប់ PFAS មួយចំនួនទៅនឹងបញ្ហាសុខភាពមួយចំនួន រួមមានជំងឺមហារីកតម្រងនោម មហារីកពងស្វាស ជំងឺលើសឈាម ជំងឺក្រពេញទីរ៉ូអ៊ីតទម្ងន់កំណើតទាប និងប្រព័ន្ធភាពស៊ាំរបស់កុមារ។
សាស្រ្តាចារ្យ Graham Peaslee បានដឹកនាំការសិក្សានេះបាននិយាយថា PFAS គឺជាសារធាតុគីមីជាប់លាប់ មួយនៅពេលវាចូលទៅក្នុងចរន្តឈាមវានឹងនៅទីនោះហើយកកកុញ។ វាក៏មានហានិភ័យបន្ថែមនៃការបំពុលបរិស្ថានទាក់ទង ទៅនឹងការផលិត និងការបោះចោលផលិតផលទាំងនេះដែលអាចប៉ះពាល់ ដល់មនុស្សជាច្រើនទៀត៕
