ប្រធានក្រុមអង់គ្លេស Harry Kane បានរិះគន់ទៅលើក្រុមដែលបង្ហាញសកម្មភាពរើសអើងពូជសាសន៍ លើមិត្តរួមក្រុមរបស់គេ ដោយនិយាយថា អ្នកទាំងនោះមិនមែនជាអ្នកគាំទ្ររបស់អង់គ្លេសឡើយ។
Marcus Rashford, Jadon Sancho និង Bukayo Saka បានទាត់ប៉េណាល់ទីកាត់សេចក្ដីមិនចូលធ្វើឲ្យអង់គ្លេសចាញ់អ៊ីតាលី ៣-២ ក្នុងវគ្គផ្ដាច់ព្រ័ត្រ Euro ២០២០។ ក្រោយបញ្ចប់ការប្រកួតអ្នកទាំង៣ទទួលបានការរើងអើងពូជសាសន៍យ៉ាងដំណំលើបណ្ដាញសង្គម។
ទាក់ទងនឹងរឿងនេះ Kane បាននិយាយមកនិយាយថា អ្នកទាំង៣សមនឹងទទួលបានការគាំទ្រនិងលើកទឹកចិត្ត មិនមែនត្រូវមករើសអើងពូជសាសន៍យ៉ាងសាហាវដូចថ្ងៃមុនឡើយ។ “ប្រសិនបើអ្នករំលោភបំពានលើនរណាម្នាក់លើបណ្ដាញសង្គម អ្នកមិនមែនជាអ្នកគាំទ្ររបស់អង់គ្លេសឡើយ ពួកយើងមិនត្រូវការអ្នកឡើយ”។ សម្ដីរបស់ Kane៕ប្រភព៖sabay
