អង់គ្លេស ៖ ព្រះវិហារ Muchelney Abbey នៅ Somerset មានបង្គន់អនាម័យទំនើប សម្រាប់ព្រះសង្ឃ រហូតដល់ ៤០ អង្គដែលបង្ហាញថា មានសារៈសំខាន់នៅពេលសាច់ ត្រូវបានណែនាំទៅ ក្នុងរបបអាហារ របស់ពួកគេនៅសតវត្សរ៍ទី ១៤ បណ្តាលឲ្យហើមពោះ និងរាគនេះបើយោងតាមការ ចេញផ្សាយពីគេហទំព័រ ឌៀលីម៉ែល ។
ការស្រាវជ្រាវថ្មីបានបង្ហាញថា ព្រះវិហារមានបង្គន់អនាម័យមួយ ដែលបានបង្ហាញយ៉ាងសំខាន់ នៅសតវត្សរ៍ទី ១៤ បន្ទាប់ពីសាច់ត្រូវបានណែនាំ ទៅក្នុងរបបអាហាររបស់ព្រះសង្ឃ។ អ្នកជំនាញបាននិយាយថា វាបណ្តាលឲ្យ មានអាការៈហើម ពោះទល់លាមក និងរាគ ហើយប្រាកដជាមានទុក្ខវេទនា ជាច្រើនក្នុងចំណោមប្រជាជន នៅមជ្ឈិមសម័យដែលត្រូវស៊ូទ្រាំនឹងវា ។
ការផ្លាស់ប្តូរនេះកើតឡើង បន្ទាប់ពីការបន្ធូរបន្ថយច្បាប់Papal នៅឆ្នាំ ១៣៣៦ ដែលធ្វើឲ្យព្រះសង្ឃ ទទួលទាន សាច់២ដងក្នុងមួយសប្តាហ៍ដរាប ណាវាមិនត្រូវបានគេបរិភោគក្រោយ ពីពេលបាយ ។ ប៉ុន្តែការបន្ថែមទៅលើអ្វី ដែលតាមស្តង់ដារទំនើប គឺរបបអាហារគ្មានតុល្យភាព និងសម្បូរកាឡូរីមានផល ប៉ះពាល់ខ្លះដែលមិនចង់បាន ចំពោះប្រព័ន្ធរំលាយអាហារ ។
ហើយវាមិនគ្រាន់តែជាសុខភាព ក្រពះរបស់ព្រះសង្ឃរងផលប៉ះពាល់នោះទេ តំបន់បរិភោគអាហារ និងកន្លែងធ្វើម្ហូបរបស់វត្តអារាមក៏ត្រូវកែលម្អផងដែរ ដើម្បីអនុវត្តតាមច្បាប់ថ្មី ដែលបានណែនាំជុំវិញការប្រើប្រាស់សាច់ ។ រហូតមកដល់ចំណុចនោះព្រះសង្ឃនៃ Muchelney Abbey បានអនុវត្តតាមវិធាន St Benedict ហាមឃាត់មិន ឲ្យបរិភោគសាច់ពីសត្វជើង៤ នៅក្នុងអាហារដ្ឋាន ។
ប៉ុន្តែការស្រាវជ្រាវថ្មីមួយ ដោយក្រុមហ៊ុន អង់គ្លេសបេតិកភ័ណ្ឌបានបង្ហាញ ពីការផ្លាស់ប្តូរដែលត្រូវបានធ្វើឡើង ចំពោះព្រះវិហារនៅពេលច្បាប់នេះ ត្រូវបានបន្ធូរបន្ថយ ។ បន្ទប់ដ៏ធំមួយនៅពីលើរោង ចក្រចម្រោះទឹកដែលពីមុនត្រូវបានគេចាត់ទុកថា ជាបន្ទប់ដាក់ឥវ៉ាន់នោះ ឥឡូវនេះត្រូវបានគេ ចាត់ទុកថាជាកន្លែងសម្រាប់ ការទទួលទានសាច់តែប៉ុណ្ណោះ ៕ដោយ៖លី ភីលីព
