ក្រោយការបណ្តេញចេញលោក Pochettino រួចទៅគេជឿជាក់ថា ទាំងបុគ្គលិកនិង កីឡាករទាំងអស់ សុទ្ធតែមានអារម្មណ៍ ភ្ញាក់ផ្អើលស្ទើរមិននឹកស្មានឡើយហើយលើស ពីនោះការតែងតាំងលោក Mourinho ត្រូវបានធ្វើឡើងភ្លាមមិនទាន់ បាន២៤ម៉ោងឡើយ។
នៅថ្ងៃចន្ទទី២៥ខែវិច្ឆិកានេះតាមរយៈ ការចេញផ្សាយរបស់ កាសែតអង់គ្លេស The Mirror បានចុះផ្សាយថាកីឡាករទាំងអស់មួយ ថ្ងៃក្រោយការបណ្តេញចេញបាននាំគ្នា ធ្វើដំណើរទៅដល់ផ្ទះរបស់លោក Pochettino ភ្លាមផងដើម្បីសំដែងអារម្មណ៍នឹកនា និងសោកស្តាយហើយបានចំណាយពេល និយាយគ្នាអស់រយៈពេលជាច្រើនម៉ោងផងដែរ។
ប្រធានក្រុមរបស់ក្លឹបកីឡាករខ្សែប្រយុទ្ធជួរមុខ Harry Kane បានសារភាពថាលោកបានទទួលដំណឹងនេះ មុនគេតាំងតែពីយប់ថ្ងៃចន្ទមុនកើតហេតុប៉ុន្តែ ត្រូវបានក្លឹបហាមមិនឲ្យលោកផ្តល់ដំណឹងនេះ ចេញទៅកីឡាករផ្សេងទៀតឡើយ។
គួរបញ្ជាក់ថា Kane បានក្លាយទៅជាកីឡាករខ្សែប្រយុទ្ធជួរមុខសំខាន់បំផុត របស់ក្លឹបក្រោមការដឹកនាំរបស់លោក Pochettino អស់រយៈពេល៥ឆ្នាំកន្លះមក នេះហើយក៏ជាកត្តាដែលជួយឲ្យ Kane បានក្លាយទៅជាកីឡាករជំនួសតំណែង Wayne Rooney ក្នុងជម្រើសជាតិអង់គ្លេស ផងដែរ៕
ប្រែសម្រួល:ស៊ុនលី
