អាមេរិក ៖ ទូរស័ព្ទ iPhone 13 ថ្មីអាចនឹងពិបាកទទួល បានក្នុងឱកាស បុណ្យណូអែលនេះ បន្ទាប់ពីរបាយការណ៍ថ្មី មួយអះអាងថា ក្រុមហ៊ុនបច្ចេកវិទ្យាយក្ស អាមេរិក Apple ត្រូវកាត់បន្ថយការ ផលិត រហូតដល់ ១០ លានគ្រឿង ដោយសារកង្វះបន្ទះឈីប នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការខ្វះខាតបន្ទះឈីបកុំព្យូរទ័រ ដែលបណ្តាលមកពីផលប៉ះពាល់ នៃជំងឺរាតត្បាត COVID-19 បានវាយលុកភាគហ៊ុន របស់ Playstation 5 រថយន្តមួយចំនួន និងស្មាតហ្វូនផ្សេងទៀត។ យោងតាមទីភ្នាក់ងារព័ត៌មាន Bloomberg និយាយថា នេះជាលើកដំបូង ដែលវាត្រូវបានគេណែនាំ ហើយឧបករណ៍ស្មាតហ្វូនរបស់ Apple ក៏នឹងរងផលប៉ះពាល់គ្រឿង បន្លាស់ជាច្រើនពិបាក នឹងរាប់បញ្ចូលទាំងផលិតផល ដែលផលិតដោយ Texas Instruments និង Broadcom ។
Appleបានបន្តថា ខ្លួនរំពឹងថា នឹងផលិតឧបករណ៍ iPhone 13 ថ្មីចំនួន៩០លានគ្រឿងក្នុង រយៈពេល ៣ ខែចុងក្រោយ នៃឆ្នាំ ២០២១ ប៉ុន្តែនេះត្រូវបានកែសម្រួលមកនៅត្រឹម ៨០លានគ្រឿង។ ក្រុមហ៊ុនApple បានបង្ហាញ iPhone ស៊េរីថ្មីកាលពីខែមុន ដោយមានម៉ូដែលថ្មីចំនួន ៤ ចាប់ពី iPhone 13 Mini ក្នុងតម្លៃ ៧០០ ដុល្លារ (៧០០ ផោន) រហូតដល់ iPhone 13 Pro Max ក្នុងតម្លៃ ១១០០ ដុល្លារ (១.១០០ ផោន) ។
លោក Dan Ives អ្នកវិភាគរបស់ Wedbush បាននិយាយថា យើងប៉ាន់ប្រមាណថាតម្រូវការជាទូទៅមានភាពរឹងមាំទូទាំងពិភពលោក។ លោកបានបន្ថែមថា Apple នឹងប្រឈមមុខ នឹងការខ្វះខាត ទូរស័ព្ទអាយ ហ្វូន ១៣ ចំនួន ៥ លានបូក សម្រាប់រដូវឈប់សម្រាក ប្រសិនបើតម្រូវការ របស់អតិថិជន នៅតែបន្តក្នុងល្បឿននេះ ។
នាយកប្រតិបត្តិលោក Tim Cook បានព្រមានក្នុងអំឡុងពេល របាយការណ៍ប្រាក់ចំណូលប្រចាំត្រីមាស នៅចុងខែកក្កដាថា ឧបសគ្គសង្វាក់ផ្គត់ផ្គង់ នឹងមានផលប៉ះពាល់ធំ ជាងនៅត្រីមាស បច្ចុប្បន្នជាងកាលពីបីខែមុន ។ លោកបានចង្អុលបង្ហាញថា កង្វះបន្ទះឈីប អេឡិចត្រូនិក កំពុងជះឥទ្ធិពល ដល់គ្រប់ផ្នែកទាំងអស់ នៃឧស្សាហកម្មនេះមិនត្រឹមតែ Appleទេ ហើយបានមកពីតម្រូវការខ្ពស់ លើសពីការរំពឹងទុក៕ដោយ៖លី ភីលីព
