សេនហ្វ្រេនស៊ីស្កូ៖ ក្រុមហ៊ុនបច្ចេកវិទ្យាយក្សអាមេរិក Apple បានធ្វើការអាប់ដេតច្បាប់ App Store របស់ខ្លួនដើម្បីធ្វើឲ្យអ្នកអភិវឌ្ឍន៍ ទាក់ទងអ្នកប្រើប្រាស់ដោយផ្ទាល់ អំពីការទូទាត់ដែលជាសម្បទានមួយ នៃការដោះស្រាយផ្លូវច្បាប់ ជាមួយក្រុមហ៊ុននានា កំពុងប្រកួតប្រជែងទីផ្សារ ដោយគ្រប់គ្រងយ៉ាងតឹងរ៉ឹងរបស់ខ្លួន យោងតាមការចេញផ្សាយ ពីគេហទំព័រជប៉ុនធូដេ។
យោងតាមច្បាប់របស់ App Store ដែលបានធ្វើការអាប់ដេត ឥឡូវនេះអ្នកអភិវឌ្ឍន៍អាចទាក់ទង អ្នកប្រើប្រាស់ដោយផ្ទាល់ អំពីវិធីទូទាត់ជំនួសដោយរំលងកម្រៃជើងសារ របស់ Apple ចំនួន១៥ ឬ៣០ ភាគរយ។ ក្រុមហ៊ុនផលិត iPhone បាននិយាយថា ពួកគេនឹងអាចសួរអ្នកប្រើប្រាស់ សម្រាប់ព័ត៌មានមូលដ្ឋាន ដូចជាឈ្មោះ និងអាសយដ្ឋាន អ៊ីម៉ែលដរាបណាសំណើនេះ នៅតែជាជម្រើស។
Apple បានស្នើឲ្យមានការផ្លាស់ប្តូរនៅខែសីហា ក្នុងការដោះស្រាយផ្លូវច្បាប់ជាមួយ អ្នកបង្កើតកម្មវិធីតូចៗ។ ប៉ុន្តែសម្បទាននេះទំនងជាមិនអាច បំពេញចិត្តក្រុមហ៊ុនដូចជា “Fortnite” អ្នកអភិវឌ្ឍន៍ Epic Games ដែលក្រុមហ៊ុនបច្ចេកវិទ្យាយក្សនេះ កំពុងប្រឈមនឹងជម្លោះទាញចេញ ជុំវិញគោលការណ៍ទូទាត់ប្រាក់របស់ខ្លួន។
Epic បានបើកដំណើរការករណីមួយ មានបំណងបំបែកការក្តាប់របស់ Apple នៅលើ App Store ដោយចោទប្រកាន់ក្រុមហ៊ុនផលិតទូរស័ព្ទ iPhone ថា បានដំណើរការផ្តាច់មុខនៅលើ Store របស់ខ្លួនសម្រាប់ទំនិញ ឬសេវាកម្មឌីជីថល។ កាលពីខែកញ្ញា ចៅក្រមបានបញ្ជាឲ្យ Apple បន្ធូរបន្ថយការគ្រប់គ្រង លើជម្រើសទូទាត់ App Store របស់ខ្លួន ប៉ុន្តែបាននិយាយថា Epic បានបរាជ័យក្នុងការបង្ហាញថា ការរំលោភលើការទុកចិត្តបានកើតឡើង។
សម្រាប់ Epic និងអ្នកផ្សេងទៀតសមត្ថភាព ក្នុងការបញ្ជូនអ្នកប្រើប្រាស់ទៅកាន់ វិធីបង់ប្រាក់ក្រៅកម្មវិធី គឺមិនគ្រប់គ្រាន់ទេ គឺវាចង់ឲ្យអ្នកលេងអាចបង់ប្រាក់ ដោយផ្ទាល់ដោយមិនចាកចេញពីហ្គេម។Apple ក៏កំពុងប្រឈមមុខ នឹងការស៊ើបអង្កេត ពីអាជ្ញាធរអាមេរិក និងអឺរ៉ុបដែលចោទប្រកាន់ថា បានរំលោភលើតួនាទី លេចធ្លោរបស់ខ្លួន៕ ដោយ៖លី ភីលីព
