កូរ៉េ៖បើយោងតាមចេញផ្សាយផ្លូវការរបស់គេហទំព័រ Allkpopបានឲ្យដឹងថា Christian Albert Gaza ដែលត្រូវបានគេស្គាល់ថា ជា Xian Gaza នៅលើប្រព័ន្ធផ្សព្វផ្សាយសង្គមកំពុង បង្កភាពចលាចលនៅលើវេទិកា ប្រព័ន្ធផ្សព្វផ្សាយសង្គមផ្សេងៗ និងសហគមន៍អនឡាញ។
លោកកំពុងទទួលបានការចាប់អារម្មណ៍ យ៉ាងខ្លាំង នៅពេលលោកបានសារភាពពីអារម្មណ៍ របស់លោកចំពោះនាង Jennie សមាជិកក្រុម BLACKPINK ហើយបានសុំនាងចេញណាត់ ជួបតាមរយៈផ្លាកលេខមួយនៅជិតអគារ YG Entertainment ។ ស្លាកលេខប៉ាណូដាក់មុខសួរ Jennie ចេញទៅញ៉ាំអាហារពេលល្ងាចជាមួយពាក្យថា “Kim Jennie Ruby Jane តើខ្ញុំអាចនាំអ្នកទៅញ៉ាំអាហារពេល ល្ងាចបានទេ? ជាភាសាកូរ៉េ និងអង់គ្លេស។
តាមពិតទៅនេះមិនមែនជាលើកទីមួយទេ ដែលលោក Xian Gaza ធ្វើរឿងបែបនេះ កាលពីឆ្នាំ ២០១៧លោកបានអញ្ជើញតារាស្រីហ្វីលីពីន Erich Gonzales មកញ៉ាំកាហ្វេតាម រយៈផ្ទាំងប៉ាណូ ដែលនាងបានបដិសេធ។
ផ្ទាំងប៉ាណូដែលសុំ Jennie ចេញទៅញ៉ាំអាហារ ពេលល្ងាច មានទីតាំងនៅ Noksapyeong-daero 11-gil, Yongsan-gu, Seoul, South Korea ចម្ងាយតែប៉ុន្មានគីឡូម៉ែត្រពីកន្លែង ដែលអគារ YG Entertainment ស្ថិតនៅ៕
ដោយ៖លី ភីលីព
