រថយន្តទាហាន ប្រភេទពាសដែក ដែលសម្រាប់ប្រើប្រាស់សម្រាប់ កងកម្លាំងប្រយុទ្ធក្នុងសមរភូមិជួរមុខម៉ាក BRDM-2 ត្រូវបានក្រុមហ៊ុនតាក់ស៊ីមួយនៅទីក្រុង សេន ភីតឺប៊ឺគ (Saint Petersburg) ប្រទេសរុស្ស៊ី បានយកទៅកែច្នៃទុកសម្រាប់ រត់ដឹកភ្ញៀវជាធម្មតានៅតាមដងផ្លូវទីក្រុងមួយនេះ។ នេះបើយោងតាមការចុះផ្សាយរបស់ RT ។
ដើមឡើយឡានទាហានមួយគ្រឿងនេះ មិនត្រូវបានអាជ្ញាធរអនុញ្ញាតឲ្យ យកមកធ្វើឡានតាក់ស៊ីបែបនេះទេ តែក្រោយមកម្ចាស់ក្រុមហ៊ុនតាក់ស៊ីខាងលើ បានកែច្នៃយន្តនេះ ដោយបានដកឧបករណ៍ ដែលពាក់ព័ន្ធនឹងវិស័យយោធាចេញ និងបានបាញ់ថ្នាំឡាននេះ ទៅជាពណ៌ក្រហម ក៏ខាងអាជ្ញាធរបានអនុញ្ញាត។
រថយន្តនេះត្រូវបានគេប៉ាន់ស្មានថា មានទម្ងន់រហូតទៅដល់ជាង ៧,៩០០គីឡូក្រាមឯណោះ ប្រហែលនឹង ៧,៩តោន ដែលត្រូវបានហាមឃាត់មិនឲ្យបើកបរលើផ្លូវដែលមានវ័យចំណាស់ និងជាប្រវត្តិសាស្ត្រសម្រាប់ទីក្រុងនេះ។
រាល់ការជិះរថយន្តនេះម្ដងៗ ត្រូវការចំណាយប្រាក់ប្រមាណ ១០០ដុល្លារអាមេរិក ដែលភាគច្រើនពេញនិយម ចំពោះភ្ញៀវទេសចរណ៍ មកកម្សាន្តនៅទីក្រុងខាងលើនេះ៕
ប្រភព៖ Sabay
