ភ្នំពេញៈ ទំហំវិនិយោគអចលនទ្រព្យ នៅអាស៊ីប៉ាស៊ីហ្វិក ត្រូវបានគេរំពឹងថានឹងស្ទុះងើបឡើងវិញនៅពាក់កណ្តាលឆ្នាំ២០២១ ។ នេះបើយោងតាមការស្ទង់មតិរបស់ក្រុមហ៊ុនសេវាកម្មអចលនទ្រព្យពាណិជ្ជកម្មអាមេរិច JLL ដែលជាក្រុមហ៊ុនជិតស្និទ្ធ និងវិនិយោគិនមកពី៣៨ប្រទេសជុំវិញពិភពលោក និងសព្វថ្ងៃកំពុងកាន់កាប់ទ្រព្យជាង២ទ្រីលានដុល្លារ។
ផ្អែកលើការស្ទង់មតិវិនិយោគិនទាំងនេះ គ្រោងនឹងបង្កើនការប៉ះពាល់ ទៅនឹងភ័ស្តុភារ (៨១%), ពហុមុខងារ (៥៨%) និងជម្រើសផ្សេងទៀត (៤៤%) នៅចន្លោះពេលនេះនិងចុងឆ្នាំ ២០២១ ។ អ្នកឆ្លើយតបប្រហែល៨៤%រំពឹងថា ចំនួនប្រតិបត្តិការនឹងងើបឡើងវិញចាប់ពីឆ្នាំឆមាសទី២នៃឆ្នាំ២០២០ ។
ការវិភាគកាន់តែស៊ីជម្រៅបានបង្ហាញថា អ្នកវិនិយោគ៣២ភាគរយរំពឹងថា នឹងមានការងើបឡើងវិញនៅឆ្នាំ ឆមាសទី២ ឆ្នាំ២០២០ ខណៈ៥២ភាគរយរំពឹងថា នឹងមានការងើបឡើងវិញនៅឆ្នាំឆមាសទី១ឆ្នាំ២០២១ ។ ជាមួយនឹងការស្ទុះងើបឡើងវិញនៃការរំពឹងទុកក្នុងរយៈពេល៦ ទៅ១២ ខែខាងមុខវិនិយោគិនជាច្រើន បានកំណត់ប្រទេសជប៉ុន កូរ៉េខាងត្បូង ចិន និងអូស្ត្រាលី ជាទីផ្សារដែលភាគច្រើន សង្កេតឃើញមានការកើនឡើងនូវសកម្មភាពប្រតិបត្តិការដល់ឆ្នាំ២០២១ ។
ប្រធានក្រុមហ៊ុនអចលទ្រព្យ JLL Property Services លោកស្រី YY Lau កត់សំគាល់ថា វិស័យភស្តុភារ បន្តបង្ហាញនូវមូលដ្ឋានគ្រឹះដ៏រឹងមាំ ហើយត្រូវបានគេរំពឹងថានឹងមានភាពធន់នឹងដំណើរការទៅមុខ។ តម្រូវការដែលកំពុងកើនឡើង ពីឧស្សាហកម្មពាណិជ្ជកម្ម តាមប្រព័ន្ធអេឡិចត្រូនិចគឺជាកត្តាជំរុញដ៏សំខាន់។
នាយកប្រតិបត្តិរបស់ក្រុមហ៊ុន JLL សម្រាប់ផ្សារមូលធនអាស៊ីប៉ាស៊ីហ្វិក លោកStuart Crow សង្កេតឃើញថា ជប៉ុន និងកូរ៉េនៅតែទទួលបានចំណូលចិត្តខ្ពស់ ពីអតិថិជន ដូចជា វិស័យផ្សេងៗពិសេសការលក់រាយច្រើន។
ប្រធានផ្នែកស្រាវជ្រាវ JLL ប្រចាំអាស៊ីប៉ាស៊ីហ្វិកលោក Roddy Allan បានចាត់ទុកការរីករាលដាល នៃរោគរាតត្បាតកំពុងផ្លាស់ប្តូររបៀប ដែលវិនិយោគិនបោះទុនចូលទៅក្នុងអចលនទ្រព្យ៕ប្រភព៖propertyarea.asia
