កូរ៉េ៖ បើយោងតាមចេញផ្សាយផ្លូវការ របស់គេហទំព័រ Allkpopបានប្រាប់ឲ្យដឹងថា ថ្មីៗនេះនាង JooE ជាតារាចម្រៀងម្នាក់ ស្ថិតក្នុងសមាជិកក្រុម Momoland ទទួលបានការចាប់អារម្មណ៍យ៉ាងខ្លាំង ចំពោះសម្រស់របស់នាង លើបណ្តាញផ្សព្វផ្សាយ សង្គមយក្សអាមេរិក។
កាលថ្ងៃទី ២២ ខែវិច្ឆិកា នាង JooE បានបង្ហោះរូបថតជាច្រើននៅលើ Instagram របស់នាងជាមួយនឹងចំណងជើងថា “Mirror Mirror.” ។ នាងបានបង្ហោះរូបជាច្រើនសន្លឹក ដែលនាងថតឆ្លុះកញ្ចក់ និងថតសែលហ្វី ដោយស្លៀករ៉ូបពណ៌ខ្មៅ ទាក់ទាញ។
នាងបានទាក់ទាញអ្នកគាំទ្រ និងអ្នកនិយមលេងអ៊ីនធើណេត នឹងភាពស្រស់ស្អាតរបស់នាង ជាមួយនឹងសក់ពណ៌ទង់ដែង និងបបូរមាត់ក្រហម ហើយនាងក៏ទទួលបាន ការចាប់អារម្មណ៍ច្រើន ចំពោះស្បែកប៉សឺឡែនថ្លារបស់នាង។
បន្ទាប់ពីឃើញរូបថតរបស់នាង អ្នកនិយមលេងអ៊ីនធើណេត បានបញ្ចេញមតិថា នាងស្អាតណាស់” “នាងជាព្រះនាង” “គួរឲ្យស្រលាញ់ណាស់” “នាងនៅតែគួរឲ្យស្រលាញ់” “នាងបានក្លាយជាស្រស់ស្អាតថ្មីៗនេះ” និង “នាងសិចស៊ីណាស់” ។
នាង JooE ទទួលបានប្រជាប្រិយភាពយ៉ាងខ្លាំង បន្ទាប់ពីបានបង្ហាញខ្លួន ក្នុងកម្មវិធីកម្សាន្តផ្សេងៗ ជាមួយនឹងបុគ្គលិកលក្ខណៈ ដ៏ស្រស់សង្ហារបស់នាង ចាប់តាំងពីបង្ហាញខ្លួនជាមួយនឹង Momoland ក្នុងឆ្នាំ២0១៦។ ថ្មីៗនេះ នាងទទួលបាន ការចាប់អារម្មណ៍យ៉ាងខ្លាំង ចំពោះសម្រស់ចាស់ទុំរបស់នាង និងបញ្ចេញនូវភាពគួរឱ្យស្រលាញ់ ដែលនាងបញ្ចេញរស្មី៕ ដោយ៖លី ភីលីព
View this post on Instagram
