ភ្នំពេញ៖ ដូចដែលទស្សនិកជន បានដឹងស្រាប់រួចមកហើយថា កាលពីប៉ុន្មានថ្ងៃមុននេះ តារាចម្រៀងស្រីលំដាប់ជួរមុខ នៅក្នុងកម្ពុជា គឺអ្នកនាង មាស សុខសោភា បានធ្វើឱ្យអ្នកគាំទ្រ ស្រឡាំងកាំជាខ្លាំង បន្ទាប់ពីធ្លាយរូបថត រៀបការរបស់នាង ជាមួយស្វាមី ឈ្មោះលោក រ៉ាដា អ៊ឹត កាលពី ១០ជាងឆ្នាំមុន ។
រូបថតអាពាហ៍ពិពាហ៍ លក្ខណៈគ្រួសាររបស់អ្នកនាង មាស សុខសោភា នេះដែរ ត្រូវបានទម្លាយដោយតារាចម្រៀង ដែលស្និតស្នាលរបស់នាង គឺលោកឆន សុវណ្ណារាជ កាលពីថ្ងៃទី២៨ ខែធ្នូឆ្នាំ២០០៩ ពោលគឺចំពេល ខួបអាពាហ៍ពិពាហ៍របស់ខ្លួន គម្រប់១២ឆ្នាំ របស់ម្ចាស់បទ «ម្នាក់ឯងមិនស្លាប់ទេ» នេះតែម្ដង ។ ហើយរូបថតនោះ បានធ្វើឱ្យមហាជន ក៏ដូចជាអ្នកគាំទ្រ ស្រឡាំងកាំងយ៉ាងខ្លាំង ព្រោះមិនដែលដឹងសោះពីមុនមកថា មាស សុខសោភា តាមពិតបានរៀបការ ជាមួយបុរសដែលគេឃើញតែងតែ ដើរតាមនាងគ្រប់ទីកន្លែងនោះ បានរៀបការតាំងពីឆ្នាំ ២០០៩ មកម្ល៉េះ ។
ជាមួយគ្នា ក្រោយពីដឹងកាពិតថា មាស សុខសោភា រៀបការបានរយៈពេល ១០ឆ្នាំជាង មកហើយនេះ ក៏មានម្ចាស់គណនីហ្វេសប៊ុកមួយ ដែលជាអ្នកជិតដិត ជាមួយតារាចម្រៀង មាស សុខសោភា បានទម្លាយថា មាស សុខសោភា ក៏មានកូនប្រុសម្នាក់ អាយុ ១១ឆ្នាំហើយ ហើយកូនប្រុសនោះ ក៏មានរូបរាងធំ និងសង្ហារខ្លាំងផងដែរ ។
គណនីហ្វេសប៊ុកឈ្មោះ Seng Sophea បានបញ្ជាក់តាមប្រអប់បញ្ចេញមតិ (Comment) ថា កូនប្រុសរបស់អ្នកនាង មាស សុខសោភា មានអាយុ ១១ឆ្នាំ និងមានកម្ពស់ រហូតដល់ ១.៧៥ ម៉ែត្រ ឯនោះ ។
សូមបញ្ជាក់ថា កន្លងមក មាស សុខសោភា ធ្លាប់បានប្រាប់អ្នកយកព័តមានក្នុងស្រុកមួយថា នាងបានរៀបការតាមបែបសានាគ្រិស្ដ កាលពីឆ្នាំ២០០៨ នៅព្រះវិហារមួយនៅកាណាដា ដែលកាលនោះនាងនិងស្វាមីគ្រាន់តែបំពាក់ជញ្ជៀន ឱ្យគ្នាទៅវិញទៅមកប៉ុណ្ណោះ។
ដោយឡែកសម្រាប់ការរៀបការ ឬសេនព្រេនតាមប្រពៃណីខ្មែរនោះនាងមិនដែលសារភាព ដូចការបញ្ចេញរូបភាពនាង ពីសំណាក់លោកឆន សុវណ្ណារាជ នៅពេលនេះទេ ៕ ដោយ៖ ម៉ានី
