ឡូសអាន់ជ័រឡេស៖ តារាចម្រៀង Pop ដ៏ល្បីល្បាញ កម្រិតពិភពលោក Lady Gaga និងគូដណ្តឹងដែលជាអ្នកជំនួញ ផ្នែកបច្ចេកវិទ្យា លោក Michael Polansky បានស្វាគមន៍បុត្រដំបូងរបស់ពួកគេដោយជោគជ័យ ដំណឹងមង្គលនេះបានបង្កឱ្យមានរលក នៃការអបអរសាទរយ៉ាងខ្លាំងពីសំណាក់អ្នកគាំទ្រ និងមិត្តភក្តិនៅក្នុងឧស្សាហកម្មកម្សាន្តទូទាំងពិភពលោក នេះបើយោងតាមការចេញផ្សាយ The Hollywood Reporter នៅថ្ងៃទី ១១ ខែកញ្ញា ឆ្នាំ២០២៦។
Lady Gaga (ឈ្មោះពិត Stefani Germanotta) អាយុ ៤០ ឆ្នាំ និងលោក Michael Polansky អាយុ ៤៨ ឆ្នាំ បានសម្តែងនូវក្តីរំភើបយ៉ាងជ្រាលជ្រៅក្នុងការឈានជើងចូលដល់តួនាទីថ្មីក្នុងនាមជាមាតាបិតា។ដើម្បីធានានូវឯកជនភាពសម្រាប់ក្រុមគ្រួសារ គូស្នេហ៍ទាំងពីរបានសម្រេចចិត្តមិនទាន់បង្ហាញព័ត៌មានលម្អិតទាក់ទងនឹងភេទ ឈ្មោះ ឬថ្ងៃកើតពិតប្រាកដរបស់បុត្រនៅឡើយទេ។
ដំណើរដើមទងនៃទំនាក់ទំនង អ្នកទាំងពីរបានចាប់ផ្តើមតាំងពីដើមឆ្នាំ ២០២០ ហើយបានប្រកាសពីការដណ្តឹងរៀបការជាផ្លូវការកាលពីពាក់កណ្តាលឆ្នាំ ២០២៤ ក្នុងអំឡុងពេលចូលរួមព្រឹត្តិការណ៍កីឡាអូឡាំពិកនៅទីក្រុងប៉ារីស។ លោក Polansky តែងតែត្រូវបានគេមើលឃើញថាជាដៃគូជីវិតដ៏រឹងមាំ ដែលតែងតែនៅពីក្រោយខ្នង និងផ្តល់កម្លាំងចិត្តដល់ Lady Gaga ក្នុងគ្រប់សមិទ្ធផលតន្ត្រី ការសម្តែងភាពយន្ត និងការងារសង្គមរបស់នាង។
ដំណឹងនៃការទទួលបានសមាជិកថ្មីនេះ បានទាក់ទាញសារជូនពរយ៉ាងច្រើនសន្ធឹកសន្ធាប់ពីសំណាក់តារាសិល្បៈល្បីៗ អ្នកប្រឡូកក្នុងឧស្សាហកម្មតន្ត្រី និងក្រុមអ្នកគាំទ្រ (Little Monsters) នៅគ្រប់ទិសទី ដែលបានចូលរួមសម្តែងក្តីរីករាយចំពោះការចាប់ផ្តើមគ្រួសារដ៏មានសុភមង្គលមួយនេះ៕
ប្រែសម្រួល៖ គីរី
