បាងកក ៖ ក្រុមអភិរក្សមួយ បាននិយាយថា សត្វស្វាតំបន់អារក្សដើម ឬស្សីធន់ នឹងគ្រោះរាំងស្ងួតឃើញសត្វស្វាមួយក្បាល ត្រូវគេដាក់ឈ្មោះ តាមភ្នំភ្លើង ស្ថិតក្នុងចំណោមប្រភេទ សត្វថ្មីចំនួន ២២៤ ត្រូវបានគេរកឃើញនៅតំបន់ មេគង្គកាលឆ្នាំ ២0២0 បើទោះបីជាមានការគំរាម កំហែងយ៉ាងខ្លាំង នៃការបាត់បង់ទីជម្រកក៏ដោយយោងតាមការ ចេញផ្សាយពីគេហទំព័រឆៃណាឌៀលី ។
របកគំហើញដែលបានចុះបញ្ជី ក្នុងរបាយការណ៍របស់អង្គការ មូលនិធិសត្វព្រៃពិភពលោក រួមមានសត្វតឹកកែថ្មថ្មី ត្រូវបានរកឃើញ នៅប្រទេសថៃ និងកង្កែបក្បាលធំ នៅប្រទេសវៀតណាម និងប្រទេសកម្ពុជា ដែលត្រូវបានគំរាមកំហែង ដោយការកាប់បំផ្លាញ ព្រៃឈើ ។ ប្រភេទសត្វ ដែលបានរាយបញ្ជី ត្រូវបានរកឃើញកាលឆ្នាំ ២0២0 ប៉ុន្តែរបាយការណ៍ កាលពីឆ្នាំមុនត្រូវបាន ពន្យារពេល ។
ប្រភេទសត្វស្វាដែលទើបរកឃើញថ្មី ហៅថា Popa langur រស់នៅលើជម្រាលភ្នំដ៏ចោត នៃភ្នំភ្លើង Mount Popa នៅប្រទេសមីយ៉ាន់ម៉ា ហើយជាប្រភេទថនិកសត្វថ្មី តែមួយគត់ ។ ក៏មានសត្វល្មូន កង្កែប និងត្រកួន កម្រថ្មីៗ ត្រី និង រុក្ខជាតិ ១៥៥ ប្រភេទ រួមទាំងប្រភេទឬស្សីទឹកផ្អែម ដែលគេស្គាល់តែមួយគត់ ត្រូវបានគេរកឃើញ នៅប្រទេសឡាវផងដែរ ។
របកគំហើញចំនួន ២២៤ បានបង្ហាញពីជីវចម្រុះដ៏សម្បូរបែប នៃតំបន់មេគង្គគ្របដណ្តប់ប្រទេសថៃ មីយ៉ាន់ម៉ា ឡាវ កម្ពុជា និងវៀតណាម ហើយជាសក្ខីភាពនៃភាពធន់ នៃធម្មជាតិដែលរស់រានមានជីវិត នៅក្នុងជម្រកធម្មជាតិដែលបែកបាក់ និងរិចរិល ។
លោក K. Yoganand ជាអ្នកដឹកនាំប្រចាំតំបន់របស់អង្គការ WWF-Greater Mekong សម្រាប់ឧក្រិដ្ឋកម្មសត្វព្រៃ និងសត្វព្រៃបាននិយាយថា ប្រភេទសត្វទាំងនេះ គឺជាផលិតផលដ៏អស្ចារ្យមិនធម្មតា និងស្រស់ស្អាត នៃការវិវត្តន៍រាប់លានឆ្នាំ ប៉ុន្តែកំពុងស្ថិតនៅក្រោម ការគំរាមកំហែងយ៉ាងធ្ងន់ធ្ងរ ជាមួយនឹងប្រភេទសត្វជាច្រើន នឹងផុតពូជ មុនពេល ដែលពួកវាត្រូវបានពិពណ៌នា” ។ ខណៈ តំបន់នេះជាជម្រក នៃប្រភេទសត្វជិតផុតពូជបំផុត របស់ពិភពលោក វាមានហានិភ័យនៃការបំផ្លិចបំផ្លាញ ទីជម្រក ជំងឺពីសកម្មភាពរបស់មនុស្ស និង ការជួញដូរសត្វព្រៃខុសច្បាប់។
របាយការណ៍របស់អង្គការ សហប្រជាជាតិ កាលពីឆ្នាំមុនបាននិយាយថា ការជួញដូរសត្វព្រៃនៅក្នុងតំបន់ អាស៊ីអាគ្នេយ៍កំពុងវិលត្រឡប់មកវិញ បន្ទាប់ពីការរំខានជាបណ្តោះ អាសន្ន ពីការរឹតបន្តឹង នៃមេរោគឆ្លង ដែលបានឃើញប្រទេសបិទព្រំដែន និងរឹតបន្តឹងការឃ្លាំមើល៕ដោយ៖លី ភីលីព
