សុខភាព និង ផ្លូវភេទ

ការធ្វើតេស្តឈាម អាចកំណត់ពីហានិភ័យនៃ COVID រយៈពេលយូរ និងអន្តរាគមន៍ទាន់ពេល

អង់គ្លេស៖ ការសិក្សាថ្មីមួយបានបង្ហាញថា ការធ្វើតេស្តិ៍ឈាមដែលបានធ្វើឡើង ខណៈពេលដែលមនុស្សមានមេរោគ COVID-19 អាចទស្សន៍ទាយថា តើពួកគេទំនង ជាមានបញ្ហាសុខភាពរយៈពេលវែងដែរឬទេ យោងតាមការចេញផ្សាយ ពីគេហទំព័រស្គាយញ៉ូវ។

ប្រសិនបើការធ្វើតេស្តិ៍ពិសោធន៍ ត្រូវបានបញ្ជាក់ដោយការស្រាវជ្រាវបន្ថែម នោះវាអាចបណ្តាលឲ្យមនុស្ស មានហានិភ័យខ្ពស់នៃ COVID-19 រយៈពេលយូរត្រូវបានផ្តល់ការព្យាបាល ប្រឆាំងនឹងមេរោគក្នុងក្តីសង្ឃឹម នៃការការពាររោគសញ្ញាចុះខ្សោយ។
អ្នកស្រាវជ្រាវនៅសាកលវិទ្យាល័យ University College London បានប្រៀបធៀបកម្រិត នៃប្រូតេអ៊ីនក្នុងឈាមជាង ៩០ លើបុគ្គលិកថែទាំសុខភាព ៥៤ នាក់ មានមេរោគ COVID និងក្រុមត្រួតពិនិត្យបុគ្គលិក មានសុខភាពល្អ។

នេះបើយោងតាមលទ្ធផល ដែលបានចេញផ្សាយនៅក្នុងទស្សនាវដ្តី Lancet eBioMedicine ថា ប្រូតេអ៊ីនជាច្រើនត្រូវបានរំខានយ៉ាងខ្លាំង ក្នុងរយៈពេល៦សប្តាហ៍ សូម្បីតែចំពោះអ្នកមាន រោគសញ្ញាស្រាលក៏ដោយ ។ មនុស្ស២០ នាក់ក្នុងចំណោមពួកគេ ត្រូវបានគេព្យាករណ៍អំពីរោគសញ្ញាជាប់លាប់ ក្នុងមួយឆ្នាំក្រោយមក ហើយភាគច្រើនត្រូវបានផ្សារភ្ជាប់ ទៅនឹងដំណើរការប្រឆាំង នឹងការកកឈាម និងប្រឆាំងនឹងការរលាក។

បន្ទាប់មកក្រុមអ្នកស្រាវជ្រាវបានប្រើក្បួនដោះស្រាយបញ្ញាសិប្បនិមិត្ត (AI) ដើម្បីស្កែនប្រូតេអ៊ីនក្នុងសំណាកឈាម ហើយបានកំណត់ អត្តសញ្ញាណបុគ្គលិកសុខាភិបាល ដែលឆ្លងមេរោគចំនួន ១១ នាក់ដោយជោគជ័យ បានវិវត្តន៍ជាយូរមក COVID-19 ។

វេជ្ជបណ្ឌិត Wendy Heywood ជាអ្នកស្រាវជ្រាវជាន់ខ្ពស់ម្នាក់ មកពីវិទ្យាស្ថានសុខភាពកុមារ Great Ormond Street របស់ UCL បាននិយាយថា ប្រសិនបើយើងអាចកំណត់អត្តសញ្ញាណ មនុស្សអាចវិវត្តន៍ទៅរក COVID-19 រយៈពេលយូរ នេះបើកទ្វារឲ្យមានការសាកល្បងព្យាបាល ដូចជាថ្នាំប្រឆាំងមេរោគនៅដំណាក់កាលដំបូង។ ដំណាក់កាលនៃការឆ្លង ដើម្បីមើលថាតើវាអាចកាត់បន្ថយ ហានិភ័យនៃការឆ្លង COVID-19 នៅពេលក្រោយឬអត់៕ ដោយ៖លី ភីលីព

Most Popular

To Top