បរទេស ៖ រដ្ឋមន្ត្រីការបរទេស នៃប្រទេសរុស្សីលោក Sergei Lavrov នៅថ្ងៃសុក្រនេះបានធ្វើការលើកឡើងថា ទំនាក់ទំនងរវាងប្រទេសចិននិងប្រទេសរុស្សីកំពុង ស្ថិតនៅក្នុងតំណាក់កាលកាន់តែរឹងម៉ាំឡើង ហើយនៅតែបន្តពង្រឹងកិច្ចសហប្រតិបត្តិការ នេះបន្ថែមទៀត។
ថ្លែងទៅកាន់កម្មវិធីមួយ របស់ទូរទស្សន៍ របស់រុស្សីលោក Lavrov បាននិយាយថាទៀតថា ចំណងទ្វេភាគី នៃប្រទេសទាំងពីរ គឺត្រូវបានបង្កើតឡើង ដោយផ្អែកលើមូលដ្ឋានច្បាស់លាស់ និងគោលដៅ នៃផលប្រយោជន៍រួមគ្នាតែមួយ។
លោកបន្តថា ទំនាក់ទំនងជាយុទ្ធសាស្រ្ត និងភាពជាដៃគូពហុភាគី រវាងប្រទេសចិននិងប្រទេសរុស្ស៊ី មិនសំដៅទៅលើភាគីណាតែម្នាក់ឡើយ តែផ្តោតតែលើ ផលប្រយោជន៍ របស់ប្រជាជន និងប្រទេសទាំងពីរតែម្តង។
ក្នុងនោះផងដែរលោក Lavrov ក៏បានលើកឡើងអំពីបណ្តាប្រទេស លោកខាងលិចមួយចំនួន ដែលមិនសូវសប្បាយចិត្តជាមួយនឹង ទំនាក់ទំនង របស់ខ្លួនជាមួយនឹងចិនថា គ្មាននរណាម្នាក់ នឹងមានសកម្មភាពឈ្លើយ ដាក់អ្នកដទៃឡើយប៉ុន្តែអ្វី ដែលយើងឃើញជំនួសមកវិញ គឺការសន្ទនាជាមួយ ទោះបីជាមានបញ្ហា ខាងក្រៅក្តី ក្នុងការឆ្ពោះទៅរកអារ្យធម៌ដ៏អស្ចារ្យ ដូចជារុស្ស៊ីនិងចិន ៕
ប្រែសម្រួល៖ស៊ុនលី
