តូក្យូ ៖ លោក Toshimitsu Motegi រដ្ឋមន្រ្តីការបរទេសជប៉ុន និងសមភាគីអាមេរិក លោក Antony Blinken កាលពីថ្ងៃច័ន្ទ បានឯកភាពគ្នាបង្កើន កិច្ចសហប្រតិបត្តិការ ក្នុងការដោះស្រាយបញ្ហានានា ដែលទាក់ទងនឹងប្រទេសចិន និងបានបញ្ជាក់ឡើងវិញ នូវសារសំខាន់នៃការរក្សាស្ថេរភាព និងសន្តិភាពឆ្លងកាត់ច្រកសមុទ្រតៃវ៉ាន់ ។
នៅក្នុងការប្រជុំផ្ទាល់ជាលើកទី ២ របស់អ្នកទាំងពីរ លោក Motegi និង Blinken បាន បញ្ជាក់ថា ប្រទេសទាំងពីរនឹងប្រឆាំង ដាច់ខាតរាល់ការប៉ុនប៉ង ជាឯកតោភាគីណាមួយ ដោយ ប្រទេសចិន ដើម្បីផ្លាស់ប្តូរស្ថានភាព បច្ចុប្បន្នដោយកម្លាំង នៅសមុទ្រចិនខាងកើត និង សមុទ្រចិនខាងត្បូង ដូចដែលបានសន្យាដោយមេដឹកនាំរបស់នៃប្រទេសទាំងពីរ កាលពីខែមុននៅទីក្រុងវ៉ាស៊ីនតោន នេះបើតាមការបញ្ជាក់ របស់ក្រសួងការបរទេសជប៉ុន។
យោងតាមសេចក្តីសម្រេច របស់ក្រុមប្រឹក្សាសន្តិសុខអង្គការ សហប្រជាជាតិ នៅលើប្រទេស កូរ៉េខាងជើង អ្នកការទូតកំពូល ក្នុងអំឡុងពេល នៃការពិភាក្សានៅទីក្រុងឡុងដ៌ បានយល់ព្រមថា នឹងធ្វើការយ៉ាងជិតស្និទ្ធឆ្ពោះទៅរកការរំសាយ អាវុធ នុយក្លេអ៊ែររបស់ខ្លួន ស្របតាមសេចក្តីសម្រេចចិត្ត របស់ក្រុមប្រឹក្សាសន្តិសុខ ។
លោកបានលើកឡើងថា លោក Blinken ដែលពីមុនបាន ជួបជាមួយលោក Motegi នៅទីក្រុងតូក្យូ កាលពីខែមីនា បានពន្យល់ដល់រដ្ឋមន្រ្តីរដ្ឋបាល នៃគោលនយោបាយថ្មី របស់ប្រធានាធិបតីលោក ចូ បៃដិន ចំពោះក្រុងព្យុងយ៉ាង ប៉ុន្តែបានបដិសេធមិនផ្តល់ ព័ត៌មានបន្ថែមនោះទេ។
កាលពីពេលថ្មីៗនេះ រដ្ឋបាលលោក បៃដិន បានបញ្ចប់ការត្រួតពិនិត្យ គោលនយោបាយលើប្រទេស កូរ៉េខាងជើង ដោយលេខាធិការសារព័ត៌មាន សេតវិមាន លោកស្រី Jen Psaki បានឲ្យដឹង កាលពីថ្ងៃសុក្រថា ខ្លួននឹង បន្តវិធីសាស្រ្ត ជាក់ស្តែងឆ្ពោះទៅរកការលុបបំបាត់ អាវុធនុយក្លេអ៊ែរ របស់កូរ៉េខាងជើង ហើយនឹងមិនផ្តោតលើការ ធ្វើកូដកម្មដ៏ធំនោះទេ ៕
ដោយ ឈូក បូរ៉ា
