ទីក្រុងឡុងដ៍ ៖ សួនសត្វទីក្រុងឡុងដ៍ បានជួយសង្គ្រោះសត្វអណ្តើកមួយ ក្នុងចំណោមសត្វកម្របំផុត របស់ពិភពលោក ពីការផុតពូជ ហើយក៏ជាប្រភេទអណ្តើក ចម្លែកបំផុតនៅលើពិភពលោកដែរ នេះបើយោងតាមការចេញផ្សាយ ពីគេហទំព័រឌៀលីម៉ែល ។
អណ្តើកដ៏យក្ស Cantor អាចធំធាត់មានប្រវែង រហូតដល់ទៅ ៦ ហ្វីត ត្រូវបានគេគិតថា បានបាត់ខ្លួនជាអចិន្ត្រៃយ៍ ពីប្រទេស ឥណ្ឌា បន្ទាប់ពីវាមិនត្រូវ បានគេមើលឃើញ អស់រយៈពេល១០ឆ្នាំមកហើយ ។ វាគឺជាអណ្តើកទឹកសាបធំ ជាងគេបំផុត នៅលើពិភពលោក ហើយត្រូវបានគេចាត់ទុកថា ជាសត្វចម្លែកបំផុតមួយ នៅពេលវាចំណាយពេលភាគច្រើន នៃជីវិតរបស់វាកប់ នៅក្នុងដីខ្សាច់ ដោយគ្រាន់តែមើលឃើញ ។
ជាអកុសលអណ្តើក ដែលមានគ្រោះថ្នាក់ជិតផុតពូជ គឺមានហានិភ័យខ្ពស់ នៃការបាត់ខ្លួន ហើយប្រភេទសត្វអណ្តើកនេះ កំពុងរស់រានមានជីវិត នៅកន្លែងតូចៗ ក្នុងប្រទេសកម្ពុជា និងវៀតណាម ។ វាស្ថិតនៅលើ គែម នៃការផុតពូជក្រោមការ គំរាមកំហែងពីការប្រមូលផល ដោយប្រជាជន ក្នុងតំបន់ដូចជាស៊ីសាច់ ការសម្លាប់ដោយចៃដន្យ ការបំផ្លាញទីជម្រកទឹកសាប និងកន្លែងរស់នៅរបស់វា ។
ប៉ុន្តែក្រុមមួយមកពីសមាគម Zoological នៃទីក្រុងឡុងបាន តាមដានកូនសត្វអណ្តើកមួយចំនួន ដោយផ្តល់ក្តីសង្ឃឹមថា ប្រភេទសត្វទាំងនេះ នឹងមានការងើបឡើងវិញ នៅអនុទ្វីបនេះ ។ នៅប្រទេសឥណ្ឌាគេគិតថា វាជិតផុតពូជរហូតដល់មានសំបុក មួយត្រូវបានរកឃើញនៅរដ្ឋ Kerala កាលឆ្នាំ ២០២០ ទោះបីជាវាត្រូវបានបំផ្លាញដោយការបូមខ្សាច់ក៏ដោយ ។
ត្រូវបានគេចាត់ទុកថា ជាអណ្តើកមួយក្នុងចំណោមសត្វ ចម្លែកដែលមើលទៅចម្លែកបំផុតអណ្តើកដ៏ធំ របស់ខនធ័រមិនមានសម្បកទេ ។ អ្នកស្រាវជ្រាវ ZSL លោក Ayushi Jain បានតាមដានអណ្តើកនៅលើដងទន្លេ Chandragiri ក្នុងរដ្ឋ Kerala ៕ដោយ៖លី ភីលីព
