អាមេរិក ៖ កម្មវិធីផ្ញើ សារ WhatsApp កំពុងធ្វើការលើមុខងារចម្លងថ្មី សម្រាប់កំណត់សម្គាល់សំឡេង ប៉ុន្តែសារនឹងត្រូវផ្ញើ ទៅក្រុមហ៊ុនបច្ចេកវិទ្យាយក្ស អាមេរិក Apple ដើម្បីដំណើរការនឹងជួយកែលម្អ បច្ចេកវិទ្យាសារជាការ និយាយទៅវិញ នេះបើយោងតាមការចេញផ្សាយ ពីគេហទំព័រឌៀលីម៉ែល ។
WABetaInfo បានបង្ហោះរូបថតអេក្រង់នៃមុខងារចម្លង ត្រូវបានចោទប្រកាន់ ដែលរួមបញ្ចូលទាំងការបដិសេធថា វាជាជម្រើស ហើយអ្នកប្រើប្រាស់ត្រូវផ្តល់ ឲ្យកម្មវិធីចូលប្រើសូហ្វវែរ សម្គាល់ការនិយាយជាសំឡេងរបស់ទូរស័ព្ទ ។ មុខងារថ្មីនេះធ្វើឲ្យមានសំនួរ អំពីឯកជនភាព ព្រោះការហៅទូរស័ព្ទនឹង ត្រូវបានផ្ញើទៅ Apple ដើម្បីធ្វើប្រតិចារិក និងជួយ Apple ឲ្យប្រសើរឡើងនូវបច្ចេកវិទ្យាស្គាល់ការ និយាយរបស់វា ។
WhatsApp និយាយថា ការហៅទូរស័ព្ទនឹង នៅតែត្រូវបានការពារ ដោយការអ៊ិនគ្រីបពីដើមដល់ចប់ ពីព្រោះវានឹងមិនត្រូវបានភ្ជាប់ ដោយផ្ទាល់ទៅនឹង អត្តសញ្ញាណរបស់អ្នកទេ។ ពីមុនអ្នកប្រើប្រាស់ WhatsApp ត្រូវពឹងផ្អែកលើកម្មវិធីភាគីទី៣ ដើម្បីទទួលបានការចម្លង ។
បន្ទាប់ពីទទួលយកមុខងារនេះ អ្នកប្រើប្រាស់បើកផ្នែក“ ប្រតិចារិក” ថ្មីហើយអាចលោតទៅត្រា ពេលវេលាផ្សេងៗ ដើម្បីអានសារដែលពាក់ព័ន្ធ ក្រោយពីសារមួយត្រូវបានចម្លង ជាលើកដំបូងវាត្រូវបានរក្សាទុក នៅក្នុងមូលដ្ឋានទិន្នន័យ WhatsApp ដូច្នេះវានឹងមិន ចាំបាច់ចម្លងម្តងទៀតទេ៕ ដោយ៖លី ភីលីប
