អាមេរិក៖ របាយការណ៍ព្រមានថា ផ្ទាំងទឹកកកដ៏កម្ររបស់ទ្វីបអាហ្វ្រិក នឹងរលាយបាត់ក្នុងរយៈពេល ២ទស្សវត្សខាងមុខ ដោយសារការប្រែប្រួលអាកាសធាតុ ធ្វើឲ្យទ្វីបនេះឡើងកម្ដៅផែនដី ក្នុងល្បឿនលឿនជាងមធ្យមភាគសកល ដែលបណ្តាលមកពីមនុស្ស នេះបើយោងតាមការចេញផ្សាយ ពីគេហទំព័រឌៀលីម៉ែល។
របាយការណ៍ពីអង្គការ ឧតុនិយមពិភពលោក (WMO) កត់សម្គាល់ផ្ទាំងទឹកកកនៃភ្នំ Kilimanjaro ភ្នំកេនយ៉ា និងភ្នំ Rwenzori កំពុងដកថយលឿន ជាងមធ្យមភាគសកល ដោយសារតែទ្វីបនេះឡើងកម្ដៅផែនដី ក្នុងអត្រាយ៉ាងខ្លាំង។ Furtwängler ជាផ្ទាំងទឹកកកធំជាងគេរបស់ភ្នំ Kilimanjaro បានធ្លាក់ចុះ ៧០ ភាគរយនៅចន្លោះឆ្នាំ ២០១៤ និង ២០២០ ហើយផ្ទាំងទឹកកកនៅលើភ្នំ Rwenzori បានបាត់បង់ម៉ាសរហូតដល់ ៩០ ភាគរយ។
របាយការណ៍នេះបានបន្ថែមថា ភ្នំកេនយ៉ាត្រូវបានគេរំពឹងថា នឹងធ្លាក់ចុះក្នុងរយៈពេល មួយទសវត្សរ៍ខាងមុខនេះ។ នេះបើយោងតាមអង្គការ WMO ថា នេះនឹងធ្វើឲ្យវាក្លាយជាភ្នំដំបូងបង្អស់ ដែលបាត់បង់ផ្ទាំងទឹកកកដោយសារ តែការប្រែប្រួលអាកាសធាតុបង្កឡើង ដោយមនុស្ស។
របាយការណ៍ក៏បានព្រមានផងដែរថា ការរលាយពីផ្ទាំងទឹកកកទាំងនេះ នឹងបង្កឲ្យមានគ្រោះរាំងស្ងួតធ្ងន់ធ្ងរ នៅទូទាំងទ្វីបអាហ្វ្រិកខាងកើត និងការជន់លិចនៅតំបន់ផ្សេងទៀត។ អគ្គលេខាធិការអង្គការ WMO លោក Petteri Taalas បាននិយាយនៅក្នុង សេចក្តីថ្លែងការណ៍មួយថា ការធ្លាក់ចុះយ៉ាងឆាប់រហ័ស នៃផ្ទាំងទឹកកកអាហ្រ្វិកខាងកើត បង្ហាញពីការគំរាមកំហែង នៃការផ្លាស់ប្តូរប្រព័ន្ធ មិនអាចផ្លាស់ប្តូរបាននៅលើផែនដី។
ការធ្លាក់ចុះយ៉ាងឆាប់រហ័ស នៃផ្ទាំងទឹកកក ដែលនៅសេសសល់ចុងក្រោយ នៅអាហ្វ្រិកខាងកើត ត្រូវបានគេរំពឹងថានឹងរលាយទាំងស្រុង នាពេលអនាគតដ៏ខ្លីនេះគឺជាសញ្ញា នៃការគំរាមកំហែងក្នុងការផ្លាស់ប្តូរនឹងមកដល់ និងប្រព័ន្ធមិនអាចត្រឡប់វិញបាន៕ ដោយ៖លី ភីលីព
