អាមេរិក ៖ យោងតាមការចេញផ្សាយ ពីគេហទំព័រ BBC បានប្រាប់ឲ្យដឹងថា កម្មវិធីណាត់ជួប តាមអ៊ីនធើណេតយក្ស Match Group របស់សហរដ្ឋអាមេរិក បានយល់ព្រមបង់ប្រាក់ ឲ្យស្ថាបនិក Tinder ក្នុងប្រាក់ចំនួន៤៤១លានដុល្លារ ដើម្បីដោះស្រាយជម្លោះផ្លូវច្បាប់ លើតម្លៃកម្មវិធីណាត់ជួប ។
ស្ថាបនិករបស់ Tinder ដំបូងបានប្តឹង Match និង អតីតម្ចាស់ IAC របស់ខ្លួនកាលខែសីហា ឆ្នាំ២០១៨ដោយអះអាងថា ពួកគេបានធ្វើឲ្យតម្លៃកម្មវិធីទាប ដើម្បីជៀសវាងការ បង់ប្រាក់រាប់ពាន់លានដុល្លារ ។ នៅពេល Match និងប្រព័ន្ធផ្សព្វផ្សាយយក្ស IAC បានទិញស្ថាបនិក ចេញនៅឆ្នាំ ២០១៧ ក្រុមហ៊ុននេះមានតម្លៃ ៣ ពាន់លានដុល្លារ ។
ប៉ុន្តែស្ថាបនិករបស់ Tinder អះអាងថា វាពិតជាមានតម្លៃ ១៣ ពាន់លានដុល្លារ នៅពេលនោះ ចំណែកករណីនេះ ត្រូវបានកាត់ទោស តាំងពីពាក់កណ្តាលខែវិច្ឆិកា នៅតុលាការកំពូលញូវយ៉ក។ ភាគហ៊ុន របស់ក្រុមហ៊ុន Match Group បានធ្លាក់ចុះ ២ភាគរយនៅលើព័ត៌មានទៅ ១២៧,៩៣ដុល្លារអាមរិក ។
ដើមបណ្តឹងដែលមានបុគ្គលិកបច្ចុប្បន្ន និងអតីតបុគ្គលិកកំពូលទាំង១០ នាក់ រួមមាន Sean Rad, Justin Mateen និង Jonathan Badeen ត្រូវបានផ្តល់ជម្រើសភាគហ៊ុន នៅក្នុង Tinder ជាផ្នែក នៃសំណងរបស់ពួកគេក្នុងឆ្នាំ ២០១៤ ៕ ដោយ៖លី ភីលីព
