យូអិន៖ អង្គការសហប្រជាជាតិ បានដកប្រទេសកូរ៉េខាងជើង ចេញពីផែនការជំនួយមនុស្សធម៌ ជាសាកលរបស់ខ្លួន សម្រាប់ឆ្នាំ២០២២ ដែលរបាយការណ៍ថ្មីៗនេះបានបង្ហាញថា ជាក់ស្តែងដោយសារតែការបិទព្រំដែន ដ៏យូររបស់ប្រទេសក្រីក្រប្រ ឆាំងនឹងជំងឺរាតត្បាតកូវីដ-១៩ ។
ទិដ្ឋភាពទូទៅមនុស្សធម៌សកល ឆ្នាំ២០២២ ចេញផ្សាយដោយការិយាល័យ អង្គការសហប្រជាជាតិ សម្រាប់ការសម្របសម្រួល កិច្ចការមនុស្សធម៌ (OCHA) បានឲ្យដឹងថា “អាហ្វហ្គានីស្ថាន កូរ៉េខាងជើង និងមីយ៉ាន់ម៉ា កំពុងប្រឈមមុខនឹងស្ថានភាព អសន្តិសុខស្បៀងធ្ងន់ធ្ងរ ដែលទំនងជានឹងកាន់តែយ៉ាប់យ៉ឺន បន្ថែមទៀតនៅចុងឆ្នាំនេះ” ។
ប៉ុន្តែផែនការឆ្លើយតបរបស់ខ្លួន សម្រាប់តំបន់អាស៊ីប៉ាស៊ីហ្វិក រួមបញ្ចូលតែសម្រាប់អាហ្វហ្គានីស្ថាន និងមីយ៉ាន់ម៉ាប៉ុណ្ណោះ នេះបើយោងតាមការចុះផ្សាយ របស់ទីភ្នាក់ងារសារព័ត៌មានយុនហាប់។
វាជាឆ្នាំទីពីរជាប់ៗគ្នាសម្រាប់ របាយការណ៍ប្រចាំឆ្នាំ ដើម្បីដកកូរ៉េខាងជើង ចេញពីផែនការជំនួយរបស់ខ្លួន។ ការសម្រេចចិត្តនេះធ្វើឡើង នៅពេលដែលប្រទេសកូរ៉េខាងជើង កំពុងរក្សាការបិទព្រំដែនយ៉ាងតឹងរ៉ឹង ដើម្បីទប់ស្កាត់មេរោគឆ្លង ដែលជំរុញឱ្យសមាជិកអង្គការអន្តរជាតិ ចាំបាច់សម្រាប់ការត្រួតពិនិត្យ និងវាយតម្លៃនៅនឹងកន្លែង ដើម្បីចាកចេញពីប្រទេស។
យោងតាមរបាយការណ៍ខែធ្នូ របស់អង្គការស្បៀងអាហារ និងកសិកម្ម ស្តីពីការរំពឹងទុកដំណាំសកល និងស្ថានភាពស្បៀងអាហារ ប្រទេសកូរ៉េខាងជើង ស្ថិតក្នុងចំណោមប្រទេសចំនួន ៤៤ ដែលត្រូវការជំនួយពីខាងក្រៅ សម្រាប់ស្បៀងអាហារ ដោយមួយភាគធំ នៃចំនួនប្រជាជនរបស់ខ្លួន ត្រូវបានគេប៉ាន់ស្មានថា កំពុងទទួលរងនូវកម្រិតនៃការប្រើប្រាស់អាហារទាប៕ ដោយ ឈូក បូរ៉ា
