ដាកា៖ ទូរទស្សន៍ BBC បានផ្សព្វផ្សាយនៅថ្ងៃទី៦ ខែមិថុនា ឆ្នាំ២០២២ថា អគ្គីភ័យ និងការផ្ទុះដ៏ធំមួយ បានសម្លាប់មនុស្សយ៉ាងហោចណាស់ ៤៩នាក់ និងរាប់រយនាក់ទៀតរងរបួសនៅឯឃ្លាំងស្តុក ទំនិញមួយនៅជិតទីក្រុង Chittagong ប្រទេសបង់ក្លាដែស ។
មនុស្សរាប់រយនាក់ បានមកដល់ដើម្បីពន្លត់ភ្លើង ដែលកំពុងឆាបឆេះ នៅគ្រាដែលកុងទុយណឺមួយ ចំនួនបានផ្ទុះនៅទីតាំងក្នុងក្រុង Sitakunda ។
កុងទុយណឺទាំងនោះត្រូវបានគេគិតថា មានសារធាតុគីមីត្រូវបានរក្សាទុក នៅក្នុងកុងទុយណឺមួយចំនួន ។
អគ្គីភ័យនៅក្នុងតំបន់ឧស្សាហ៍កម្ម គឺជារឿងធម្មតា ក្នុងប្រទេសបង់ក្លាដែស ហើយជាញឹកញាប់ត្រូវបាន ស្តីបន្ទោសលើបទប្បញ្ញត្តិ សុវត្ថិភាពមិនបានល្អ ។
អ្នករងរបួសជាច្រើនត្រូវបានគេបញ្ជាក់ថា ស្ថិតក្នុងស្ថានភាពធ្ងន់ធ្ងរ ហើយចំនួនអ្នកស្លាប់ត្រូវបានគេរំពឹងថា នឹងកើនឡើងថែមទៀត ៕
ប្រែសម្រួលដោយ៖ ម៉ៅ បុប្ផាមករា