អង់គ្លេស ៖ អាជ្ញាធរប្រកួតប្រជែង និងទីផ្សារបាននិយាយថា ការបាត់បង់ការប្រកួតប្រជែង ណាមួយគឺជាការបាត់បង់ ដល់អ្នកប្រើប្រាស់ ហើយអាចនាំឲ្យពួកគេចំណាយ ប្រាក់កាន់តែច្រើន សម្រាប់ផលិតផល ត្រូវបានគេផ្តល់ ទំនិញមានគុណភាពទាប ឬ មានជម្រើសតិចជាង យោងតាមការចេញផ្សាយ ពីគេហទំព័រស្គាយញ៉ូវ ។
Amazon កំពុងត្រូវបានស៊ើបអង្កេតដោយអ្នកឃ្លាំមើល ការប្រឆាំង នឹងការទុកចិត្ត របស់ចក្រភពអង់គ្លេសជុំវិញ ការព្រួយបារម្ភថា ការអនុវត្តមួយចំនួន របស់ខ្លួន នៅចក្រភពអង់គ្លេស អាចជាការប្រឆាំង នឹងការប្រកួតប្រជែង ហើយបណ្តាលឲ្យ មានកិច្ចព្រមព្រៀង កាន់តែអាក្រក់សម្រាប់អ្នកទិញទំនិញ ។
អាជ្ញាធរ ប្រកួតប្រជែង និង ទីផ្សារ (CMA) នឹងពិនិត្យមើល ថា តើ Amazon កំពុងបង្ខូចការប្រកួតប្រជែង ដោយផ្តល់អត្ថប្រយោជន៍ អយុត្តិធម៌ ដល់អាជីវកម្មលក់ រាយរបស់ខ្លួន ឬអ្នកលក់ប្រើប្រាស់ សេវាកម្មរបស់ខ្លួន បើធៀបនឹង អ្នកលក់ភាគីទី៣ផ្សេងទៀតនៅក្នុងទីផ្សារ Amazon UK ។ ការស៊ើបអង្កេត នឹងពិនិត្យមើល ពីរបៀបក្រុមហ៊ុន បច្ចេកវិទ្យាយក្សកំពុងប្រើប្រាស់ ទិន្នន័យអ្នកលក់ភាគីទី៣ និងរបៀបសម្រេចចិត្ត លើលក្ខណៈវិនិច្ឆ័យសម្រាប់ ការលក់ក្រោមស្លាក Prime ។
CMA ក៏នឹងពិនិត្យមើលពីរបៀប Amazon ជ្រើសរើសជម្រើស ដែលពេញចិត្តនៅក្នុង “Buy Box” ត្រូវបានបង្ហាញយ៉ាងលេចធ្លោនៅលើ ទំព័រផលិតផលរបស់ Amazon និងផ្តល់ឲ្យអតិថិជន នូវជម្រើសចុចតែម្តងទៅ “Buy Now” ឬ “Add to Basket” ពីអ្នកលក់ជាក់លាក់ ។
លោកស្រី Sarah Cardell អ្នកប្រឹក្សាទូទៅនៅ CMA បាននិយាយថា មនុស្សរាប់លាននាក់នៅទូទាំងចក្រភពអង់គ្លេស ពឹងផ្អែក លើសេវាកម្មរបស់ Amazon សម្រាប់ការដឹកជញ្ជូនលឿន នៃផលិតផលគ្រប់ប្រភេទ នៅពេលចុចប៊ូតុងមួយ ៕
