ញូវយ៉ក៖ អង្គការ NASA បានធ្វើការបោសសម្អាតការប៉ុនប៉ងបាញ់បង្ហោះលើកទីពីររបស់ខ្លួននៃបេសកកម្មតាមច័ន្ទគតិ Artemis I កាលពីថ្ងៃសៅរ៍ ដោយសារបញ្ហាលេចធ្លាយ។
Artemis I គឺជាការសាកល្បងរួមបញ្ចូលគ្នាលើកដំបូងនៃប្រព័ន្ធរុករកអវកាសជ្រៅរបស់ណាសា ដែលពាក់ព័ន្ធនឹងយានអវកាស Orion គ្រាប់រ៉ុក្កែត Space Launch System និងប្រព័ន្ធដីនៅមជ្ឈមណ្ឌល Kennedy Space Center នៃរដ្ឋ Florida ។
ការប៉ុនប៉ងបាញ់បង្ហោះលើកទីពីរត្រូវបានកំណត់នៅម៉ោង ២ និង ១៧នាទី រសៀល។ ពេលវេលាថ្ងៃខាងកើត (1817 GMT) នៅថ្ងៃសៅរ៍ បន្ទាប់ពីការប៉ុនប៉ងលើកដំបូង ដែលបានគ្រោងទុកនៅថ្ងៃទី២៩ ខែសីហាត្រូវបានបិទដោយសារតែបញ្ហាម៉ាស៊ីន។
អង្គការណាសា បានឲ្យដឹងថា “ក្នុងអំឡុងពេលដឹកបេសកកម្ម Artemis I នៅព្រឹកថ្ងៃសៅរ៍ ការលេចធ្លាយមួយបានកើតឡើងនៅផ្នែកផ្គត់ផ្គង់នៃការផ្តាច់ទំនាក់ទំនងរហ័ស ៨ អ៊ីញ (២០,៣ សង់ទីម៉ែត្រ) ខណៈកំពុងព្យាយាមផ្ទេរឥន្ធនៈទៅកាន់រ៉ុក្កែត”។
អង្គការណាសាបានបង្ហោះនៅក្នុងសារបង្ហោះមួយផ្សេងទៀតបានឲ្យដឹងថា “ក្រុមនានាបានព្យាយាមដោះស្រាយបញ្ហា ដែលទាក់ទងនឹងការលេចធ្លាយផ្នែករឹងផ្ទេរឥន្ធនៈទៅក្នុងរ៉ុក្កែត ប៉ុន្តែមិនបានសម្រេច” ។
ការធ្វើតេស្តហោះហើរ Artemis I គឺជាបេសកកម្មដែលមិនមានមនុស្សបើកជុំវិញឋានព្រះច័ន្ទ ដែលនឹងត្រួសត្រាយផ្លូវ សម្រាប់ការធ្វើតេស្តហោះហើររបស់នាវិក និងការរុករកតាមច័ន្ទគតិរបស់មនុស្សនាពេលអនាគត ដែលជាផ្នែកមួយនៃកម្មវិធី Artemis តាមច័ន្ទគតិរបស់អង្គការណាសា៕ប្រែសម្រួល ឈូក បូរ៉ា
