អាមេរិក ៖ នេះបើយោងតាមការចេញ ផ្សាយពីគេហទំព័រឌៀលីម៉ែល បានប្រាប់ឲ្យដឹងថា កាលបរិច្ឆេទ និងលក្ខណៈពិសេស iPhone 14 របស់ Apple ចេញលក់ បន្ទាប់ពាក្យចចាមអារ៉ាម បង្ហាញអំពីកាមេរ៉ាបានអាប់ដេត ជាមួយនឹងភីកសែលធំជាងមុន ការសាកថ្មលឿន ជាងមុន អេក្រង់គ្មានស្នាមប្រេះ និងពណ៌ស្វាយភ្លឺចាំង ហើយវាអាចមានតម្លៃថោក ជាងការគិតពីមុន ។
ក្រុមហ៊ុន Apple បានប្រកាសជាផ្លូវការនូវព្រឹត្តិការណ៍ដ៏អាថ៌កំបាំង មួយមានឈ្មោះថា ‘Far Out’ សម្រាប់ថ្ងៃពុធ ទី ៧ ខែកញ្ញា ឆ្នាំក្រោយ ដែលវាត្រូវបានគេរំពឹងថា នឹងដាក់បង្ហាញឧបករណ៍ទាំងនេះ ។ ពាក្យចចាមអារ៉ាមកំពុងវិលវល់អស់ជាច្រើន ខែអំពីរូបរាងរបស់ទូរសព្ទ និងអ្វីដែលពួកគេអាចធ្វើបាន ដោយអ្នកខាងក្នុងបានបញ្ចេញ ព័ត៌មានពីក្រោយវាំងនន ។
ខណៈមិនមានអ្វីត្រូវបានបញ្ជាក់ដោយក្រុមហ៊ុន បច្ចេកវិទ្យាយក្សខ្លួនឯងនោះទេ ការលេចធ្លាយនេះបានបង្ហាញយ៉ាងច្បាស់ថា ទាំងកំណែស្តង់ដារ និង Pro របស់ iPhone 14 នឹងមានពណ៌ស្វាយភ្លឺចាំង ។ សមត្ថភាពកាមេរ៉ារបស់កំណែ Pro ក៏ទំនងជាត្រូវបានអាប់ដេត ជាមួយនឹងសេនស័រចម្បង ៤៨ មេហ្គាភិចសែល និងកញ្ចក់ Ultra Wide អាចថតរូបបានច្បាស់ ក្នុងការកំណត់ពន្លឺទាប ។
ត្រូវបានរាយការណ៍មួយរយថា ការជំនួសនៃ ‘Notch’ ត្រូវបានគេស្អប់យ៉ាងទូលំទូលាយ ដែលមានបំពាក់នូវកាមេរ៉ាខាងមុខ និងឧបក រណ៍ចាប់សញ្ញា Face ID នៅផ្នែកខាងលើនៃអេក្រង់ខាងមុខ ។ ឥឡូវនេះវាត្រូវបានគេគិតថា វានឹងត្រូវបានជំនួស ដោយរន្ធគន្លឹះពីរសម្រាប់កញ្ចក់ និងឧបករណ៍ចាប់សញ្ញា ចាំបាច់ភ្ជាប់ជាមួយគ្នា នៅចំកណ្តាលពេលអេក្រង់បើក ៕ ដោយ៖លី ភីលីព
