ចិន ៖ យោងតាមការចេញផ្សាយ ពីគេហទំព័រជប៉ុនធូដេបានប្រាប់ឲ្យដឹងថា ក្រុមហ៊ុន Huawei Technologies Co បានបង្ហាញស្មាតហ្វូនស៊េរី Mate 50 រំពឹងទុកយ៉ាងខ្លាំងរបស់ខ្លួន ដោយគាំទ្រការទំនាក់ទំនងផ្កាយរណប ក្លាយជាក្រុមហ៊ុនផលិតស្មាតហ្វូនដំបូងគេ ដែលបញ្ចេញមុខងារបែបនេះ លើទីផ្សារអ្នកប្រើប្រាស់ ។
ឧបករណ៍គាំទ្រដោយប្រព័ន្ធរុក រកផ្កាយរណប Beidou របស់ប្រទេសចិន មានរបៀបសង្គ្រោះបន្ទាន់ដែល ដំណើរការដោយឯករាជ្យ នៃថាមពលអាគុយ និងធ្វើឲ្យ អ្នកប្រើប្រាស់ផ្ញើសារ ក្នុងបរិយាកាស គ្មានសញ្ញា ។ លោក Pan Helin សហនាយកមជ្ឈមណ្ឌលស្រាវជ្រាវ សេដ្ឋកិច្ចឌីជីថល និងនវានុវត្តន៍ ហិរញ្ញវត្ថុនៅសាលា ធុរកិច្ចអន្តរជាតិ នៃសាកលវិទ្យាល័យ Zhejiang បាននិយាយថា ការទំនាក់ទំនងតាមផ្កាយរណប គឺជាសេវាទំនាក់ទំនងសារខ្លី បើប្រៀបធៀបជាមួយការ ទំនាក់ទំនង 5G និង 4G វាអាចផ្តល់នូវការគ្របដណ្តប់ កាន់តែទូលំទូលាយជាមួយ នឹងភាពជឿជាក់ខ្ពស់ ។
លោក Pan បានបន្តថា វានឹងក្លាយជាផ្នែកបន្ថែម ដ៏សំខាន់មួយសម្រាប់បណ្តាញទូរស័ព្ទទំនើប របស់ស្មាតហ្វូន ព្រោះវាដើរតួយ៉ាងសំខាន់រួច ហើយនៅក្នុងការសង្គ្រោះបន្ទាន់ និងការសង្គ្រោះគ្រោះមហន្តរាយ ដូចជាការសង្គ្រោះគ្រោះរញ្ជួយដីជាដើម ។
លោក Yu Chengdong នាយកប្រតិបត្តិនៃក្រុមអាជីវកម្ម ឧបករណ៍របស់ក្រុមហ៊ុន Huawei និងជានាយកប្រតិបត្តិ នៃអង្គភាពអាជីវកម្មដំណោះស្រាយ រថយន្តឆ្លាតវៃរបស់ក្រុមហ៊ុន បាននិយាយថា ដោយក្រឡេកមើលការ វិវត្តន៍នៃស្មាតហ្វូនស៊េរី Mate របស់ក្រុមហ៊ុន Huawei ក្នុងរយៈពេលមួយទសវត្សរ៍ កន្លងមកនេះ ក្រុមហ៊ុនបច្ចេកវិទ្យា បានឈានមុខគេលើការច្នៃប្រឌិតស្មាតហ្វូន និងមានតែមិត្តរួមគ្នាប៉ុណ្ណោះ អាចលើសមិត្តរួមបាន ។
Huawei Mate 50 ដំណើរការ 4G ប៉ុន្តែត្រូវបានដំណើរការដោយប្រព័ន្ធ ប្រតិបត្តិការដែលមានកម្មសិទ្ធិរបស់ខ្លួនគឺ HarmonyOS 3។ ស៊េរីថ្មីនេះក៏ត្រូវបាន បំពាក់ដោយកញ្ចក់ Kunlun ជួយកែលម្អភាពធន់ របស់ស្មាតហ្វូនក្នុងការធ្លាក់ ១០ ដង។
Xmage ជាម៉ាករូបភាពថ្មី របស់ក្រុមហ៊ុន Huawei ក៏ត្រូវបានដាក់ឲ្យដំណើរ ការជាលើកដំបូង នៅលើស៊េរី Mate 50 ផងដែរ ហើយត្រូវបានគេដាក់ឈ្មោះថា ជាស្នាដៃនៃបច្ចេកវិទ្យាកាមេរ៉ាកុំព្យូទ័រ របស់ក្រុមហ៊ុន បច្ចេកវិទ្យានេះ អាចពង្រីកបានដល់ទៅ ២00 ដង៕
