កូឡុំប៊ី៖ យោងតាមការចេញផ្សាយ ពីគេហទំព័រជប៉ុនធូដេ បាននិយាយថា ការសិក្សាបានចេញផ្សាយ នាពេលថ្មីៗនេះលើទិនានុប្បវត្តិ វេជ្ជសាស្រ្ដដ៏ល្បីមួយបានលេចចេញ ជាចម្ងល់អំពីប្រសិទ្ធភាពនៃ ការឆ្លុះពោះវៀនធំជាយុទ្ធសាស្ត្រ ដែលបង្ហាឲ្យឃើញ និងប្រើប្រាស់យ៉ាងទូលំទូលាយ សម្រាប់ការពិនិត្យ និងការពារជំងឺមហារីកពោះវៀនធំ។
ចំណងជើងព័ត៌មាន ត្រូវបានគេចាប់អារម្មណ៍ថា “លទ្ធផលគួរឲ្យខកចិត្តលើអត្ថប្រយោជន៍ នៃការឆ្លុះពោះវៀនធំ” ដោយការសិក្សាថ្មីបង្ហាញថា អត្ថប្រយោជន៍នៃការឆ្លុះពោះវៀនធំ អាចត្រូវបានគេប៉ាន់ប្រមាណ លើសនៃការសាកល្បងស្តង់ដារ ការអញ្ជើញឲ្យទៅថតពោះវៀនធំ បានកាត់បន្ថយអត្រាកើតមហារីក ប៉ុន្តែមិនមែនស្លាប់ទេ។
ការផ្សាយព័ត៌មានបែបនេះ បានបញ្ឆេះភាពចម្រូងចម្រាស និងបង្កើតភាពច្របូកច្របល់អំពីការសិក្សា និងការពាក់ព័ន្ធរបស់វាដែលនាំ ឲ្យមនុស្សចោទជាសំណួរថា តើលទ្ធផលបង្ហាញថា ការវាយតម្លៃឡើងវិញ នូវឧបករណ៍ប្រើប្រាស់ និងតម្រូវការសម្រាប់ការពិនិត្យ ពោះវៀនធំត្រូវបានធានាឬអត់។
ក្នុងនាមជាអ្នកវិទ្យាសាស្ត្រស្រាវជ្រាវ ជំងឺមហារីកដែលមានបទពិសោធន៍ជាង ២០ឆ្នាំសិក្សាលើការពិនិត្យ និងការពារមហារីកពោះវៀនធំ ខ្ញុំមានទំនុកចិត្តថា ការឆ្លុះពោះវៀនធំនៅតែ ជាឧបករណ៍ដ៏សំខាន់ និងមានប្រសិទ្ធភាពបំផុតក្នុងការពិនិត្យ រកមើល និងការពារទម្រង់មហារីកដ៏សាហាវ និងដ៍សាហាវនេះ។ មហារីកពោះវៀនធំ គឺជាមូលហេតុចម្បងទី៤ និងនាំមុខគេទី២នៃការស្លាប់ ដោយសារជំងឺមហារីកនៅសហរដ្ឋអាមេរិក សមាគមមហារីកអាមេរិកប៉ាន់ស្មានថា នឹងមានករណីមហារីកពោះវៀនធំថ្មីចំនួន ១៥១,000 ត្រូវបានធ្វើរោគវិនិច្ឆ័យនៅឆ្នាំ ២០២២ និងជិត ៥៣,000 នាក់បានស្លាប់។
ការពិនិត្យមើលបានរួមចំណែក យ៉ាងខ្លាំងដល់ការធ្លាក់ចុះ នៃករណីមហារីកពោះវៀនធំ និងការស្លាប់ក្នុងរយៈពេលជាច្រើន ទសវត្សរ៍កន្លងមកនេះ។ គោលការណ៍ណែនាំរបស់ Taskforce សេវាបង្ការរបស់សហរដ្ឋអាមេរិក បច្ចុប្បន្នបានផ្តល់អនុសាសន៍ថា អ្នកមានហានិភ័យជាមធ្យម ចាប់ផ្តើមពិនិត្យរកមើល ជំងឺមហារីកពោះវៀនធំនៅអាយុ ៤៥ ឆ្នាំ។
ការណែនាំនេះត្រូវបានកាត់បន្ថយពីអាយុ ៥០ ឆ្នាំកាលឆ្នាំ២០២១ ដោយសារតែការកើនឡើងនៃ អត្រាប្រេវ៉ាឡង់នៃជំងឺមហារីកពោះវៀនធំ នាពេលថ្មីៗនេះក្នុងចំណោម មនុស្សវ័យជំទង់ ៕
ដោយ៖ លី ភីលីព
