បរទេស៖ក្រុមមន្ត្រីប៉ូលីសនៅក្នុងទីក្រុង San Francisco ត្រូវបានគេដឹងថាបានធ្វើការស្នើសុំផ្លូវច្បាប់ រួចរាល់ហើយក្នុងការអាចមានសិទ្ធដាក់ពង្រាយកងកម្លាំងរ៉ូបូត ប្រយុទ្ធដែលមានបំពាក់អាវុធផងដើម្បីប្រឆាំងជាមួយនឹងឧក្រិដ្ឋជន។
ក្រុមប៉ូលីសដែលបានដាក់សំណើររួចរាល់ទៅកាន់សាលាក្រុងចំពោះ ការប្រើប្រាស់រ៉ូបូត SFPD ដែលជាប្រភេទរ៉ូបូតឌីសាញឡើងដំបូងក្នុងគោលបំណងសម្រាប់តែកិច្ចការងារដោះគ្រាប់បែក និងឃ្លាំមើលប៉ុណ្ណោះប៉ុន្តែនៅពេលនេះគេអាចកែច្នៃវាទៅជារ៉ូបូតសម្រាប់បង្ក្រាបករណីឧក្រិដ្ឋជនឃោរឃៅជាមួយនឹងអាវុធដែលបំពាក់ជាមួយផងដែរ។
នៅក្នុងឯកសារដែលជាផែនការក្នុងការប្រើប្រាស់ SFPD បានបញ្ជាក់ថារ៉ូបូតនេះនឹងអាចប្រើប្រាស់បាននូវគ្រប់ប្រភេទអាវុធដោយស្វ័យប្រវត្តិប៉ុន្តែក្នុងករណីដែលជាបេសកកម្មដែល គ្រោះថ្នាក់បំផុតប៉ុណ្ណោះត្រូវបានអនុញ្ញាតិដើម្បីអាចកាត់បន្ថយការបាត់បង់ជីវិត សមាជិកប៉ូលីសឬពលរដ្ឋស៊ិវិល៕
ប្រែសម្រួល៖ស៊ុនលី
