បរទេស ៖ ក្រុមហ៊ុនអវកាស SpaceX របស់មហាសេដ្ឋី Elon Musk បានចាត់វិធានការ ដើម្បីការពារកងកម្លាំង ប្រដាប់អាវុធ របស់ប្រទេសអ៊ុយក្រែន ពីការប្រើប្រាស់ក្រុមផ្កាយរណប Starlink សម្រាប់ការគ្រប់គ្រង និងកំណត់គោលដៅ លើយន្តហោះគ្មានមនុស្សបើក ដោយសារបច្ចេកវិទ្យានេះ “មិនដែលមានបំណងធ្វើជាអាវុធ” , នេះបើតាមលោក Gwynne Shotwell ដែលជាប្រធាន និងជាប្រធានប្រតិបត្តិនៃ SpaceX បាននិយាយនៅថ្ងៃពុធ។
យោងតាមសារព័ត៌មាន Sputnik ចេញផ្សាយនៅថ្ងៃទី៩ ខែកុម្ភៈ ឆ្នាំ២០២៣ បានឱ្យដឹងថា លោក Shotwell តាមសេចក្តីរាយការណ៍បានប្រាប់សន្និសីទ FAA Commercial Space Transportation Conference លើកទី ២៥ នៅទីក្រុងវ៉ាស៊ីនតោនថា “យើងពិតជារីករាយណាស់ ដែលអាចផ្តល់នូវការតភ្ជាប់ឱ្យ អ៊ុយក្រែន និងជួយពួកគេក្នុង ការប្រយុទ្ធដើម្បីសេរីភាព។
លោក Shotwell មិនបានបញ្ជាក់លម្អិតអំពីការប្រើប្រាស់ពិតប្រាកដ របស់យោធាអ៊ុយក្រែនដែលផលិតពី Starlink ដើម្បី “បំពាក់អាវុធ” លើផ្កាយរណបនោះទេ ។ ទោះបីជាយ៉ាងណាក៏ដោយ ក្រសួងការពារជាតិ អ៊ុយក្រែនបាននិយាយមុននេះថា ខ្លួនកំពុងបង្កើតក្រុមហ៊ុន របស់ប្រតិបត្តិករយន្តហោះគ្មានមនុស្ស បើកដែលបំពាក់ដោយប្រព័ន្ធ ទំនាក់ទំនងផ្កាយរណប Starlink យន្តហោះគ្មានមនុស្សបើក និងគ្រាប់រំសេវ ដើម្បីកំណត់គោលដៅលើ កងកម្លាំងរុស្ស៊ី ។
Shotwell បាននិយាយថា “អ៊ុយក្រែនបានប្រើប្រាស់វាតាមរបៀបដែលមិនមានបំណង និងមិនមែនជាផ្នែកនៃកិច្ចព្រមព្រៀងណាមួយឡើយ។ ដូច្នេះអ្នកដឹងទេ យើងត្រូវធ្វើការលើវា [ជាមួយ] Starlink ។ អ្នកផ្តល់ជូននូវផលិតផល ពាណិជ្ជកម្ម ដោយការតភ្ជាប់ទៅកាន់មនុស្សដែលមានប្រយោជន៍ក្នុងជម្លោះ ប៉ុន្តែអ្នក ក៏ចង់ឱ្យមានការប្រុងប្រយ័ត្ន ចំពោះរបៀបដែលពួកគេប្រើប្រាស់វា… ម្យ៉ាងវិញទៀត ពួកគេកំពុងព្យាយាមប្រយុទ្ធដើម្បីប្រទេសរបស់ពួកគេ ដូច្នេះខ្ញុំយល់ហើយ។ រឿងនេះគឺវាមិនដូចបំណងនោះទេ” ។
សូមជម្រាបថា Starlink ត្រូវបានគេរាយការណ៍ថា បានផ្តល់ឱ្យអ៊ុយក្រែន នូវឧបករណ៍ប្រហែល ២២ ០០០ចាប់តាំងពីការចាប់ផ្តើម ប្រតិបត្តិការយោធាពិសេស របស់រុស្ស៊ីកាលពីខែកុម្ភៈឆ្នាំមុន៕
