បរទេស៖ យោងតាមការចេញផ្សាយរបស់ RT នាវាមុជទឹក INS Karanj របស់កងទ័ពជើងទឹកឥណ្ឌា ដែលជានាវាមុជទឹកវាយប្រហារដោយម៉ាស៊ូត បានចូលចតនៅប្រទេសស្រីលង្កាកាលពីចុងសប្តាហ៍ហើយ ដំណើរទស្សនកិច្ចរបស់ខ្លួនស្របពេលនឹងការមកដល់របស់កប៉ាល់ចិននៅម៉ាល់ឌីវ ជាប្រទេសកោះមួយទៀតក្នុងមហាសមុទ្រឥណ្ឌា ដែលជាប់គាំងក្នុងជម្លោះការទូតជាមួយក្រុងញូវដែលី។
នាវាមុជទឹកបានមកដល់កំពង់ផែទីក្រុងកូឡុំបូក្នុងដំណើរទស្សនកិច្ចផ្លូវការកាលពីថ្ងៃសៅរ៍ កងទ័ពជើងទឹកស្រីលង្កាបានប្រកាសនៅលើ Xដែលកប៉ាល់នេះត្រូវបានទទួលដោយមានការស្វាគមន៍យ៉ាងអធិកអធម ហើយបុគ្គលិកកងទ័ពជើងទឹករបស់ប្រទេសម្ចាស់ផ្ទះរាប់សិបនាក់ដែលស្ថិតនៅលើនាវា។
គួរឲ្យដឹងដែរថាការអំពាវនាវរបស់កំពង់ផែរងនេះកើតឡើងនិងការកើនឡើងនៃការការព្រួយបារម្ភពីសំណាក់ប្រទេសឥណ្ឌាជុំវិញសកម្មភាពស្រាវជ្រាវដែលចិនត្រូវបានគេរាយការណ៍ថាកំពុងធ្វើនៅមហាសមុទ្រឥណ្ឌា។
កាលពីថ្ងៃទី១ខែមករា ប្រទេសស្រីលង្កាបានប្រកាសថា ខ្លួននឹងមិនអនុញ្ញាតឱ្យនាវាស្រាវជ្រាវរបស់ចិនណាមួយចូលចតនៅកំពង់ផែរបស់ខ្លួន ឬប្រតិបត្តិការនៅក្នុងតំបន់សេដ្ឋកិច្ចផ្តាច់មុខ (EEZ) របស់ខ្លួនសម្រាប់រយៈពេលមួយឆ្នាំ៕ ប្រែសម្រួល៖ស៊ុនលី
