ភ្នំពេញ៖អ្នកប្រដាល់កម្ពុជា ឌុម កែវដា ក្លិបម្កុដរាជសីហ៍ប៉ះអ្នកប្រដាល់ជើងខ្លាំងថៃ Kreang Krai ក្នុងប្រភេទទម្ងន់៦៣,៥០គីឡូក្រាម ខណៈអ្នកប្រដាល់ខាំ សូរិយា ក្លិបរ៉ាហាប់ស្វាយប៉ាកប្រកួតជា មួយអ្នកប្រដាល់ថន ភឿត ក្លិបឃ្លាំងមឿងកីឡាខេត្តពោធិសាត់ក្នុងប្រភេទទម្ងន់៥៧ គ.ក្រគីឡូក្រាម នាព្រឹកថ្ងៃអាទិត្យ ទី១៧ ខែវិច្ឆិកា ឆ្នាំ២០១៩នេះ នៅសង្វៀន Boostrong Fighter On Fireរបស់SEATV។
លោក ញាណ សុធី អ្នកគ្រប់គ្រងសង្វៀនSEATVបាននិយាយថា ឌុម កែវដា ក្លិបម្កុដរាជសីហ៍ត្រូវបានដាក់ឲ្យប្រកួតជាមួយអ្នកប្រដាល់ជើងខ្លាំងថៃ Kreang Krai ដោយសារកែវដាជាអ្នកប្រដាល់មួយរូបដែលល្អជង្គង់ និង កែង តែអ្នកប្រដាល់រូបនេះពេលខ្លះហាក់ដូចជាមើលស្រាលគូប្រកួត និង ពេលខ្លះហាក់ដូចជាមានអំណួតបន្តិច ។
ចំពោះអ្នកប្រដាល់ថៃ Kreang Krai វិញគេហាក់ដូចជាមានចិត្តធ្ងន់ណាស់ នៅពេលប្រកួតគេមិនខ្វល់ពីអំណួតរបស់គូប្រកួតឡើយ ឬការចំអករបស់គូប្រកួតនោះទេគឺគេវ៉ៃក្នុងស្ថានភាពធម្មតាតែបើមានឱកាសគេវ៉ៃផ្ដាច់ភ្លាមតែម្ដង ហើយមានអ្នកប្រដាល់កម្ពុជាមិនតយិចអ្នកទេដែលត្រូវអ្នកប្រដាល់ថៃរូបនេះវាយឲ្យសន្លប់ ។
ចំពោះប្រវត្តិនៃការប្រកួតប្រហាក់ប្រហែលគ្នា គឺឌុម កែវដា ប្រកួត១១៣លើក ឈ្នះ៩៣លើក ចាញ់១៧លើក និងស្មើ៣លើក រីឯ Kreang Krai ប្រកួតចំនួន១០៩លើក ឈ្នះ៨៥ លើក ចាញ់២១លើក និងស្មើ៣លើក៕ដោយ៖លី ភីលីព
