the Goal នៅថ្ងៃពុធនេះ បានសរសេរថា ក្លឹបយក្សអេស្បាញ Real Madrid ត្រូវបានគេដឹងថា នៅតែបន្តដាក់គោលដៅ ចំពោះកីឡាករខ្សែប្រយុទ្ធអង់គ្លេស Harry Kane នៅឡើយទោះបីជាធ្លាប់បានបរាជ័យ ជាច្រើនដងមកហើយ កាលពីរដូវកាលមុនៗ។
ទោះបីជាយ៉ាងណាក្តីប្រភពដដែល បានបញ្ជាក់ថា Kane គឺមានឈ្មោះត្រឹមជាជម្រើសបន្ទាប់ប៉ុណ្ណោះប្រសិនបើ Real Madrid រដូវក្តៅនេះនៅតែមិនអាចចរចា នាំយកកីឡាករ Erling Haaland ឬ Kylian Mbappe មករួមក្លឹបបានទេនោះ។
Madrid ដែលបច្ចុប្បន្នមានកីឡាករ ខ្សែប្រយុទ្ធជួរមុខ ដែលមានកម្លាំងខ្លាំង តែម្នាក់ គត់គឺ Benzema នោះគឺកាន់តែវ័យជ្រេបន្តិច ទៅហើយហើយនៅមិនទាន់ មានអ្នកណាមកជំនួស បាននៅឡើយប៉ុន្តែ Kane ក៏នឹងមិនមានជាជម្រើស ដែលធូរថ្លៃនោះដែរ ពីព្រោះថា កុងត្រារបស់គាត់បច្ចុប្បន្ន គឺមានរហូតទៅដល់ឆ្នាំ២០២៤ឯណោះ ៕
ប្រែសម្រួល៖ស៊ុនលី
