ខ្សែប្រយុទ្ធ Cristiano Ronaldo បានឈ្នះពានរង្វាន់ ជាខ្សែប្រយុទ្ធល្អជាងគេ នៅលីគកំពូលអ៊ីតាលី Serie A ហើយ បន្ទាប់ពីរកបាន២៩គ្រាប់ ក្នុងការបង្ហាញខ្លួន៣៣ប្រកួត។
បើទោះជាមិនអាចជួយក្រុម Juventus ឈ្នះពានរង្វាន់លីគកំពូលមែន ប៉ុន្តែ Ronaldo នៅតែអាចឈ្នះពានរង្វាន់ កិត្តិយសជាច្រើន ។ កីឡាករវ័យ៣៦ឆ្នាំនេះ ជា Top Scorer នៅលីគ ហើយពេលនេះក៏បានឈ្នះពាន រង្វាន់ខ្សែប្រយុទ្ធល្អជាងគេ ក្នុងរដូវកាលនេះថែមទៀតនៅអ៊ីតាលី ។ ដោយលេខ២បានទៅលើ Lukaku របស់ Inter Milan ដែលជាក្រុមជើងឯក និងលេខ៣ នោះបានទៅលើ Zlatan របស់ក្រុម AC Milan ។
រំលឹកថារដូវកាលនេះ ត្រូវបានគេចាត់ទុកថា ជារដូវកាលមិនជោគជ័យរបស់ Ronaldo នោះទេ ។ រូបគេជួយក្រុម Juventus បានត្រឹមលេខ៤ក្នុងតារាង Serie A ប៉ុណ្ណោះ ដោយជិតនឹងមិនបានលេង ពានរង្វាន់ UEFA Champions League រដូវកាលក្រោយថែមទៀត ។ ប្រភពជាច្រើន នៅអ៊ីតាលី បានបញ្ជាក់ថាអតីតកីឡាករ Real Madrid រូបនេះនឹងចាកចេញ ហើយ នៅទីផ្សារដោះដូរកីឡាករខាងមុខនេះ៕
