ខ្សែប្រយុទ្ធអាហ្សង់ទីន Lionel Messi ត្រូវបានសារព័ត៌មាននៅអេស្ប៉ាញជាច្រើន បានចុះផ្សាយតៗគ្នាថា កីឡាករនេះព្រមបន្តកុងត្រាថ្មីជាមួយ Barcelona ក្នុងរយៈពេល៥ឆ្នាំ នេះបើយោងតាមការចុះផ្សាយ របស់ The Sun នៅក្នុងថ្ងៃនេះ។
ក្រោយកិច្ចចរចារវាងភាគី Barca និង Messi អស់រយៈពេលជាច្រើនខែមក ទីបំផុតកិច្ចចរចានេះ ត្រូវបានបញ្ចប់ដោយ Messi បានព្រមកាត់ប្រាក់ឈ្នួលរបស់ខ្លួន ចំនួន ៥០% ដើម្បីបន្តកុងត្រាថ្មី ដោយសារតែកីឡាករនេះ យោគយល់ដល់ក្លឹបដែលកំពុងមានវិបត្តិលុយកាក់ធ្ងន់ធ្ងរ ព្រោះតែបញ្ហាកូវីដនៅតែបន្ត។
ដូច្នេះចាប់ពីកុងត្រាថ្មីនេះតទៅ Messi នឹងទទួលបានប្រាក់ក្នុងមួយអាទិត្យ ចំនួនជាង ១.៦លានដុល្លារ ខណៈដែរនៅក្នុងកុងត្រាចាស់កីឡាករនេះ ទទួលបានប្រាក់អាទិត្យ ចំនួនជាង ៣.២លានដុល្លារឯណោះ។
បើតាមប្រភពដដែលខាងលើនេះ កិច្ចព្រមព្រៀងខាងលើនេះ នឹងប្រកាសជាផ្លូវការ នៅសប្ដាហ៍ក្រោយនេះ៕ ប្រភព៖ សប្បាយ
