ក្រុម Manchester City នៅតែបន្ដការផ្ដោតទៅលើការចង់បានខ្សែប្រយុទ្ធ Harry Kane ម្នាក់ប៉ុណ្ណោះ មិនមានចិត្តចង់បាន Cristiano Ronaldo នោះទេ។
ប្រភពនៅអង់គ្លេសបានចុះផ្សាយថាភ្នាក់ងារទីផ្សាររបស់ Cristiano Ronaldo បានផ្ដល់សំណើរទៅក្លឹប Manchester City ដែលពួកគេអាចយកកីឡាករព័រទុយហ្គាល់នេះបានត្រឹមតម្លៃខ្លួនផ្ដាច់កុងត្រា២៥លានផោនប៉ុណ្ណោះ។ តែយ៉ាងណា ក្រុមរបស់លោក Pep នៅតែបន្ដការផ្ដោតអារម្មណ៍លើខ្សែប្រយុទ្ធ Kane ដដែល ដោយមិនគិតទៅរកអ្នកដទៃ ឬចាប់អារម្មណ៍លើ Ronaldo នោះទេ។
ដោយរហូតមកដល់ពេលនេះ ក្រុមការងាររបស់ Man City នៅតែបន្ដជជែកជាមួយក្រុម Spurs ដើម្បីរកដំណោះស្រាយនិងផ្លូវដើម្បីផ្ទេរ Kane ឱ្យបាន។ បើតាមការបញ្ជាក់របស់ក្រុម Spurs ថ្នាក់ដឹកនាំក្លឹបនេះនៅតែបន្ដចង់បានតម្លៃផ្ដាច់កុងត្រារហូតដល់១៥០លានផោនដដែលពីក្រុម Man City ទើបពួកគេយល់ព្រមលក់ប្រធានក្រុមសញ្ជាតិអង់គ្លេសនេះឱ្យ។
រំលឹកថាក្រុម Manchester City បានចំណាយប្រាក់រហូតដល់១០០លានផោនដើម្បីទិញយក Jack Grealish ពីក្រុម Aston Villa ទៅហើយ។ ការចំណាយនេះ ទើបបានជាពួកគេនៅស្ទាក់ស្ទើរក្នុងការយក Kane ព្រោះបើទិញមកតម្លៃខ្លួនជាង១០០លានផោនទៀតទៅហើយ៕
