បរទេស៖ Ronaldo អាចនឹងមានភាព រីករាយក្នុងចក្រភពអង់គ្លេស ចាប់តាំងពីចូលរួមជាថ្មីជាមួយក្លឹប Manchester United ក្នុងខែកញ្ញាឆ្នាំមុន ប៉ុន្តែកីឡាករសញ្ជាតិព័រទុយហ្គាល់រូបនេះ ទំនងជាមិនសប្បាយចិត្តនៅ Old Trafford ទេ។ កង្វះភាពជោគជ័យ និងការបែងចែកក្នុងក្រុមរបស់ Manchester United ត្រូវបានគេរាយការណ៍ថា បានបង្ខំឱ្យកីឡាករបាល់ទាត់ ដ៏ល្បីល្បាញម្នាក់នេះ គិតឡើងវិញអំពីអនាគតរបស់គាត់ ជាមួយនឹងក្លឹបដ៏ល្បីមួយនេះ ។
យោងតាមសារព័ត៌មាន Sputnik ចេញផ្សាយនៅថ្ងៃទី៧ ខែមករា ឆ្នាំ២០២២ បានឱ្យដឹងថា កាសែតអង់គ្លេស The Daily Star បានរាយការណ៍ថា ម្ចាស់ពានរង្វាន់ Ballon d’Or ប្រាំសម័យកាល Cristiano Ronaldo កំពុងសញ្ជឹងគិតអំពីការផ្លាស់ប្តូរចេញពី Man United នៅចុងបញ្ចប់នៃរដូវកាល 2021-22 ប្រសិនបើគាត់មិនចូលចិត្តការជ្រើសរើស អ្នកចាត់ការទូទៅរបស់ក្លឹបរយៈពេលវែង ។
ក្លឹបបិសាចក្រហម គឺបានបណ្តេញគ្រូបង្វឹកសញ្ជាតិន័រវេស គឺលោក Ole Gunnar Solskjaer ចេញ កាលពីចុងឆ្នាំនេះ ហើយជំនួសដោយ អ្នកចាត់ការបណ្តោះអាសន្ន Ralf Rangnick ។
យោងតាមការបោះពុម្ពផ្សាយ គឺ Ronaldo ដែលបានត្រលប់មក Man Utd ជាលើកទីពីរក្នុងត្រីមាសទី 3 ឆ្នាំ 2021 កំពុងធ្វើតាមការផ្លាស់ប្តូរ របស់ក្លឹបទាក់ទងនឹងការតែងតាំង អ្នកគ្រប់គ្រងរយៈពេលវែង បន្ទាប់របស់ពួកគេយ៉ាងជិតស្និទ្ធ។
កិច្ចសន្យារបស់ CR7 ជាមួយ United ដំណើរការរហូតដល់ឆ្នាំ 2023 ជាមួយនឹងជម្រើសនៃការបន្តរយៈពេល 12 ខែ។ ប៉ុន្តែកាសែតផ្សាយថា អតីតខ្សែប្រយុទ្ធក្រុម Real Madrid នឹងជ្រើសរើសបញ្ចប់ទំនាក់ទំនង ជាមួយម្ចាស់ជើងឯកអង់គ្លេស 20 សម័យនៅចុងបញ្ចប់នៃ យុទ្ធនាការបច្ចុប្បន្នរបស់ពួកគេ ប្រសិនបើគាត់ជឿថា ចៅហ្វាយបន្ទាប់របស់ក្លឹបនឹង មិនអនុញ្ញាតឱ្យគាត់លេងកីឡា ធម្មជាតិរបស់គាត់ ៕
ប្រែសម្រួលៈ ណៃ តុលា
