អង់គ្លេស ៖ តុលាការកំពូលនឹងប្រកាស សាលក្រមនៅថ្ងៃពុធនេះ ត្រូវបានពិពណ៌នា ថា ជាសំណុំរឿង ដ៏សំខាន់បំផុតមួយ នៅក្នុងប្រវត្តិសាស្រ្ត ផ្លូវច្បាប់ថ្មីៗនេះ របស់ប្រទេសនេះ យោងតាមការចេញផ្សាយ ពីគេហទំព័រស្គាយញ៉ូវ ។
Richard Lloyd កំពុងប្តឹង Google ពីបទប្រមូលទិន្នន័យរុក រកគេហទំព័រពីអ្នកប្រើប្រាស់ iPhone iPad និង Mac ចន្លោះឆ្នាំ ២០១១ និង២០១២ ទោះបីជាក្រុមហ៊ុនបច្ចេកវិទ្យាយក្ស របស់អាមេរិកបានអះអាង នៅពេលនោះថា វាត្រូវបានរារាំងពីការធ្វើ ដូច្នេះដោយការកំណត់ឯកជន ភាពលំនាំដើមរបស់កម្មវិធីរុករក Safari ក៏ដោយ ។
លោកបាននាំយកការ ទាមទារនេះ មិនមែនគ្រាន់តែជាបុគ្គល រងផលប៉ះពាល់ដោយសកម្មភាព របស់ Google ប៉ុណ្ណោះទេ ប៉ុន្តែក្នុងនាមជាអ្នកតំណាង ឲ្យមនុស្សជាង ៤លាននាក់ នៃសកម្មភាព តំណាងដ៏សាមញ្ញមួយ ។ ប្រសិនបើ លោក Lloyd ឈ្នះ នោះក្រុមហ៊ុន បច្ចេកវិទ្យាយក្ស របស់សហ រដ្ឋអាមេរិកអាច នឹងត្រូវបង្ខំឲ្យរឹបអូសប្រាក់ រាប់ពាន់លាន ដើម្បីទូទាត់សំណង ដល់អ្នកប្រើប្រាស់ iPhone រងផលប៉ះពាល់អាចទាមទារពន្ធរហូតដល់ ៧៥០ផោន ក្នុងម្នាក់ៗ ដូចដែលលោក Lloyd បានបញ្ជាក់នៅក្នុងលិខិតទាមទាររបស់លោក បើទោះបីជាតួលេខទាបជាងច្រើនទំនងក៏ដោយ។
ប៉ុន្តែសារសំខាន់ ពិតប្រាកដនៃសំណុំរឿង នឹងមានឥទ្ធិពល របស់វាទៅលើច្បាប់សំណុំរឿង ។ ការវិនិច្ឆ័យប្រឆាំងនឹង Google អាចបើកទ្វារ ចំពោះសកម្មភាពតំណាងនៅចក្រភព អង់គ្លេស លើករណីការពារ ទិន្នន័យផ្សេងទៀត ធ្វើឲ្យអ្នកការពារសិទ្ធិ អ្នកប្រើប្រាស់នាំយកការ ទាមទារប្រឆាំងនឹងក្រុមហ៊ុន ដែលបំពានច្បាប់ឯកជនភាព ។
ការវិនិច្ឆ័យនៅទីក្រុងឡុងដ៍ នឹងកើតឡើងនៅថ្ងៃតែមួយ ដែលក្រុមហ៊ុនទទួល បានសេចក្តីសម្រេចក្នុងបណ្តឹង ឧទ្ធរណ៍របស់ខ្លួនប្រឆាំង នឹងការពិន័យ ជាប្រាក់ចំនួន ៤,៣៤ពាន់លានអឺរ៉ូ (៣,៨ពាន់លានផោន) ពីគណៈកម្មការអឺរ៉ុប សម្រាប់ការបង្ខំក្រុមហ៊ុនផលិត ទូរស័ព្ទឲ្យដំឡើង កម្មវិធីរបស់ខ្លួនជាមុន ៕ ដោយ៖លី ភីលីព
