ការសិក្សាមួយបានបង្ហាញថា រថយន្ត Hybrid បានរងការឆាបឆេះច្រើន ជាងគេបំផុតកាលពីឆ្នាំមុន ក្នុងសហរដ្ឋអាមេរិក បើធៀបនឹងរថយន្តសាំង និងរថយន្តអគ្គិសនី ។
តាមរយៈទិន្នន័យប្រមូលដោយ AutoinsuranceEZ ដែលដកស្រង់ចេញពីការិយាល័យ សុវត្ថិភាពដឹកជញ្ជូនជាតិ ការិយាល័យស្ថិតិដឹកជញ្ជូន និងទិន្នន័យពីវេបសាយរដ្ឋាភិបាលបង្ហាញថា៖ ក្នុងចំណោមរថយន្ត ១០ម៉ឺនគ្រឿង ក្នុងនោះ ប្រភេទរថយន្តដែលឆេះច្រើន ជាងគេគឺ៖
១. រថយន្ត Hybrid ចំនួន ៣៤៧៤,៥គ្រឿង
២. រថយន្តសាំង ចំនួន ១៥២៩,៩គ្រឿង
៣. រថយន្តអគ្គិសនី ចំនួន ២៥,១គ្រឿង។
រថយន្តសាំងដែលឆេះ មានមូលហេតុដ៏ធំបំផុតមួយគឺបុកគ្នា។ ចំណែករថយន្ត Hybrid និងអគ្គិសនី ឆេះដោយសារតែអាគុយរបស់វា។
ទិន្នន័យខាងលើនេះ នឹងជួយឱ្យក្រុមហ៊ុនផលិត រថយន្តពិសេសរថយន្ត Hybrid ខិតខំអភិវឌ្ឍបន្ថែមទៀត ដើម្បីកាត់បន្ថយហានិភ័យនៃការឆេះអាគុយរថយន្ត ៕
