ទីក្រុងឡុងដ៍ ៖ ក្រុមហ៊ុនផលិតបន្ទះឈីប របស់អាមេរិក Intel បានបង្ហាញផែនការ កាលពីថ្ងៃអង្គារសម្រាប់ការវិនិយោគ រហូតដល់ ៨0 ពាន់លានអឺរ៉ូ (៨៨ ពាន់លានដុល្លារ) នៅទូទាំងទ្វីបអឺរ៉ុប ជាផ្នែកមួយ នៃការពង្រីកមហិច្ឆិតា ក្នុងគោលបំណងលុបបំបាត់អតុល្យភាព នៅក្នុងឧស្សាហកម្មសារធាតុបន្ទះឈីប ពិភពលោក ដែលនាំឲ្យមានការខ្វះខាតបន្ទះឈីប ដ៏ធំយោងតាមការចេញផ្សាយ ពីគេហទំព័រជប៉ុនធូដេ ។
នាយកប្រតិបត្តិលោក Pat Gelsinger បាននិយាយថា Intel កំពុងវិនិយោគប្រាក់នេះ រយៈពេលមួយទសវត្សរ៍ ក្រោយតាមខ្សែសង្វាក់តម្លៃសារ ធាតុបន្ទះឈីបទាំងមូល ។ ក្រុមហ៊ុនគ្រោងនឹងចំណាយប្រាក់រាប់សិបពាន់លានដុល្លារ ដើម្បីបង្កើត ឬពង្រីកកន្លែង ផលិតបន្ទះឈីប និងបង្កើតមជ្ឈមណ្ឌលស្រាវជ្រាវ និងអភិវឌ្ឍន៍ ឬមជ្ឈមណ្ឌលរចនា នៅប្រទេសអាល្លឺម៉ង់ អៀរឡង់ បារាំង និងអ៊ីតាលី ។
ដោយសារតែពិភពលោក មានតម្រូវការមិនអាចប្រើប្រាស់ សម្រាប់ឧបករណ៍អេឡិចត្រូនិក ឬបន្ទះសៀគ្វី»។ Intel បានបន្តថា ខ្លួនកំពុងនាំយកបច្ចេកវិទ្យាទំនើបបំផុតរបស់ខ្លួនទៅកាន់ទ្វីបអឺរ៉ុប ដើម្បីដោះស្រាយតម្រូវការសម្រាប់ខ្សែ សង្វាក់ផ្គត់ផ្គង់សារធាតុបន្ទះឈីបមានតុល្យភាព និងធន់ជាងមុន ។
មេដឹកនាំសហភាពអ៊ឺរ៉ុប កាលពីខែមុនបានប្រកាសអំពីច្បាប់បន្ទះសៀគ្វីតម្លៃ ៤៧ ពាន់លានដុល្លារ ដើម្បីជួយទ្វីប នេះឲ្យក្លាយជាអ្នកផលិតគ្រឿង អេឡិចត្រូនិកដ៏សំខាន់ និងទប់ស្កាត់ការពឹងផ្អែក របស់ខ្លួនលើទីផ្សារអាស៊ី សម្រាប់សមាសធាតុតូចៗ ដែលដើរតួជាខួរក្បាលអេឡិចត្រូនិច សម្រាប់អ្វីៗគ្រប់យ៉ាង ចាប់ពីរថយន្ត រហូតដល់ស្មាតហ្វូន និងឧបករណ៍ហ្គេម ។
តម្រូវការបន្ទះសៀគ្វី បានកើនឡើង នៅពេលសេដ្ឋកិច្ចពិភពលោក បានងើបឡើងវិញ ពីជំងឺរាតត្បាតរាតត្បាត COVID-19 ប៉ុន្តែការផ្គត់ផ្គង់ មិនបានបន្តកើនឡើងទេ ដោយសារតែមានការជាប់គាំង ។ ប្រធានគណៈកម្មការអឺរ៉ុប Ursula von der Leyen បានសាទរ ចំពោះសេចក្តីប្រកាសនេះថា ជាសមិទ្ធិផលដ៏សំខាន់ដំបូង គេក្រោមច្បាប់របស់ EU Chips ។
លោក von der Leyen ដែលចង់ឲ្យ EU បង្កើនចំណែក នៃការផលិតបន្ទះឈីបសកល របស់ខ្លួនទ្វេដងដល់ ២0ភាគរយនៅឆ្នាំ ២0៣0 បាននិយាយថា ខ្ញុំប្រាកដថាវានឹងត្រួសត្រាយ ផ្លូវសម្រាប់ក្រុមហ៊ុនជាច្រើនទៀត ដើម្បីអនុវត្តតាម ៕ដោយ៖លី ភីលីព
