អាមេរិក៖ យោងតាម Statistaបានឲ្យដឹងថា ក្រុមហ៊ុន YouTube បានរាយការណ៍ថា ខ្លួនអាចរកចំណូលបានជិត ២0 ពាន់លានដុល្លារសម្រាប់ចំណូល ពីការផ្សាយពាណិជ្ជកម្មក្នុងឆ្នាំ ២0២0 លើមូលដ្ឋានសកលស្មើនឹងប្រហែល ១៤ភាគរយនៃការចំណាយសកលលើការផ្សាយពាណិជ្ជកម្ម តាមទូរទស្សន៍យោងតាមការចេញផ្សាយ ពីគេហទំព័រស្គាយញ៉ូវ។
YouTube បានប្រកាសថា ខ្លួននឹងចាប់ផ្តើមចាក់ផ្សាយ កម្មវិធីទូរទស្សន៍ឥតគិតថ្លៃជាមួយ នឹងការផ្សាយពាណិជ្ជកម្ម ជាមួយនឹងកម្មវិធីរាប់រយដែលត្រូវបានកំណត់ឲ្យអាចប្រើបាន។ វេទិកានេះគឺជាគេហទំព័រ ដែលមានអ្នកចូលមើលច្រើនបំផុតទី២ នៅលើគេហទំព័រ បន្ទាប់ពីក្រុមហ៊ុនមេ Google របស់ខ្លួន ហើយការផ្លាស់ប្តូរនេះ នឹងប្រកួតប្រជែងយ៉ាងធ្ងន់ធ្ងរ ដល់ដៃគូប្រកួតប្រជែងផ្តល់ការកម្សាន្តដោយឥតគិតថ្លៃ ក៏ដូចជាទូរទស្សន៍ផ្សាយផងដែរ។
នៅពេលបើកដំណើរការ ក្រុមហ៊ុនបាននិយាយថា សេវាកម្មនេះនឹងរួមបញ្ចូលកម្មវិធី ទូរទស្សន៍មួយចំនួន រួមទាំង Hell’s Kitchen ដែលសម្តែងដោយមេចុងភៅដ៏ល្បីល្បាញ Gordon Ramsay ។ សេវាកម្មតាមតម្រូវការដំបូង នឹងមាននៅសហរដ្ឋអាមេរិកប៉ុណ្ណោះ ប៉ុន្តែវានឹងមានអត្ថប្រយោជន៍យ៉ាងសំខាន់ លើការសរសេរកម្មវិធី linearធ្វើឲ្យអ្នកប្រើប្រាស់មានលទ្ធភាព ជ្រើសរើសអ្វីដែលពួកគេចង់មើល។
វាកើតឡើងដោយសារតែ YouTube បានបង្កើតខ្សែភាពយន្តច្រើនជាង ១,៥00អាចមើលបានដោយឥតគិតថ្លៃ – ជាមួយនឹងការផ្សាយពាណិជ្ជកម្ម – រួមទាំង Legally Blonde និង Gone In sixty Seconds។ YouTube បានដកស្រង់ការវាយតម្លៃរបស់ Nielsen ដែលវាបានឈានដល់មនុស្សជាង ១៣៥ លាននាក់នៅលើទូរទស្សន៍ឆ្លាតវៃ នៅសហរដ្ឋអាមេរិកនាឆ្នាំ ២0២១៕ ដោយ៖លី ភីលីព
