បរទេស៖ ពេញមួយសង្រ្គាមត្រជាក់ សហភាពសូវៀត មានកងនាវាមុជទឹកធំបំផុត នៅលើពិភពលោក ក៏ដូចជាធំបំផុតក្នុងប្រវត្តិសាស្ត្រកងទ័ពជើងទឹកពិភពលោក។ សព្វថ្ងៃនេះ កងទ័ពជើងទឹករុស្ស៊ី គឺជាសំបកនៃអតីតរបស់ខ្លួន ប៉ុន្តែនាវាមុជទឹករបស់វា នៅតែត្រូវបានគេចាត់ទុកថាមានសមត្ថភាព ហើយនោះគឺជាការពិត ដែលធ្វើឱ្យមេដឹកនាំណាតូ មានការព្រួយបារម្ភអស់ រយៈពេលជាច្រើនឆ្នាំ។
យ៉ាងណាក៏ដោយមិនយូរប៉ុន្មាន សម្ព័ន្ធអន្តរជាតិនឹងមានរដ្ឋជាសមាជិកមួយទៀត ដែលនឹងជួយទប់ទល់ នឹងកម្លាំងនាវាមុជទឹករបស់រុស្ស៊ី ពោលគឺស៊ុយអែត។
វាត្រូវបានប្រកាសកាលពីចុងខែមិថុនាថា ប្រទេសស៊ុយអែត រួមជាមួយនឹងហ្វាំងឡង់ ត្រូវបានអញ្ជើញជាផ្លូវការ ឱ្យចូលរួមជាមួយអង្គការណាតូ ហើយព័ត៌មាននោះ ស្របគ្នានឹងពាក្យថា ពិធីត្រូវបានធ្វើឡើង សម្រាប់ HMS Blekinge ដែលជានាវាមុជទឹកប្រភេទ A26 ដំបូងបំផុតពីរ ក្នុងចំណោមនាវាមុជទឹកប្រភេទ A26 ឥឡូវនេះ និងបញ្ជាសម្រាប់ Royal Swedish Navy ។
លោក Micael Johansson ប្រធាន និងជានាយកប្រតិបត្តិក្រុមហ៊ុន Saab ដែលជាអ្នកម៉ៅការនាំមុខគេលើកម្មវិធី A26 បានលើកឡើងថា “សមត្ថភាពនាវាមុជទឹក ធ្វើឱ្យប្រទេសស៊ុយអែត ស្ថិតក្នុងចំណោមប្រទេសមួយចំនួន ក្នុងពិភពលោក ដែលមានសមត្ថភាពផលិតនាវាមុជទឹកទំនើប និងជឿនលឿន។
ពិធីនេះមិនត្រឹមតែជាព្រឹត្តិការណ៍ដ៏សំខាន់មួយ សម្រាប់ HMS Blekinge ប៉ុណ្ណោះទេ វាក៏ជាភស្តុតាង ដែលបង្ហាញថា ប្រទេសស៊ុយអែត បានទទួលនូវសមត្ថភាពឡើងវិញផងដែរ។ យើងទន្ទឹងរង់ចាំពេលដែលនាវាមួយទៀត គឺ HMS Skåne នឹងបង្ហាញវត្ដមាន៕ ប្រែសម្រួល ឈូក បូរ៉ា
