អាមេរិក៖ នេះបើយោងតាមការចេញផ្សាយ ពីគេហទំព័រឌៀលីម៉ែលបានប្រាប់ឲ្យដឹងថា ក្រុមហ៊ុនបច្ចេកវិទ្យាយក្សអាមេរិក Google បានប្តូររូបសញ្ញារបស់ខ្លួន ទៅជាពណ៌ខ្មៅទាំងអស់ ហើយបានបន្ថែមខ្សែបូពណ៌ខ្មៅ ទៅកាន់គេហទំព័ររបស់ខ្លួនជាសញ្ញានៃការគោរពនៅមុនពិធីបុណ្យសព របស់ព្រះមហាក្សត្រីនីនៅថ្ងៃនេះ។
និមិត្តសញ្ញាជាធម្មតាលេចឡើង ជាពណ៌ក្រហម លឿង ខៀវ និងបៃតង ត្រូវបានជំនួសដោយអត្ថបទពណ៌ប្រផេះ នៅចក្រភពអង់គ្លេសនៅថ្ងៃទី ៨ ខែកញ្ញាជាថ្ងៃនៃការសោយទិវង្គតរបស់ព្រះមហាក្សត្រិយានី។ ខ្សែបូពណ៌ខ្មៅក៏ត្រូវបានបន្ថែមនៅខាងក្រោមរូបសញ្ញា រួមជាមួយនឹងសារថា ‘អរគុណអ្នកម៉ែ’ និងតំណភ្ជាប់ទៅកាន់ ‘ឆ្លុះបញ្ចាំងពីជីវិតដ៏អស្ចារ្យរបស់ម្ចាស់ក្សត្រី Elizabeth II’។
និមិត្តសញ្ញាពណ៌ប្រផេះ ត្រូវបានដាក់ចេញជាបណ្តើរៗទៅកាន់ទំព័រដើមរបស់ Google នៅប្រទេសមួយចំនួនទៀតក្នុងរយៈពេលប៉ុន្មានថ្ងៃបន្ទាប់។ ទោះយ៉ាងណាក៏ដោយ នៅម៉ោង 00:00 នៅថ្ងៃអាទិត្យ ទី ១៨ ខែកញ្ញា និមិត្តសញ្ញាដ៏ល្បីល្បាញបានផ្លាស់ប្តូរពីពណ៌ប្រផេះទៅខ្មៅក្នុងចក្រភពអង់គ្លេស។
នេះត្រូវបានបកស្រាយថា ជាការទទួលស្គាល់នៃពិធីបុណ្យសពរបស់ព្រះមហាក្សត្រិយានី ដែលនឹងប្រព្រឹត្តទៅនៅម៉ោង ១១:00 ថ្ងៃនេះ។ នាយកប្រតិបត្តិក្រុមហ៊ុន Google លោក Sundar Pichai បានផ្ញើសារចូលរួមរម្លែកទុក្ខផ្ទាល់ខ្លួនរបស់ព្រះមហាក្សត្រី ជាមួយនឹងការបង្ហោះនៅលើគណនី Twitter ផ្ទាល់ខ្លួនរបស់លោក។
លោកបានសរសេរនៅថ្ងៃទី ៨ ខែកញ្ញាថា “សូមចូលរួមរំលែកទុក្ខដ៏ក្រៀមក្រំបំផុតរបស់យើងទៅកាន់ប្រជាជននៃចក្រភពអង់គ្លេស និងជុំវិញពិភពលោក ដែលកំពុងកាន់ទុក្ខចំពោះការសោយទីវង្គតរបស់ម្ចាស់ក្សត្រី Elizabeth II”។
លោកស្ថិតក្នុងចំណោមអ្នកដឹកនាំបច្ចេកវិទ្យាជាច្រើន រួមទាំងស្ថាបនិកក្រុមហ៊ុន Microsoft លោក Bill Gates និងនាយកប្រតិបត្តិ Amazon លោក Jeff Bezos ដើម្បីឧទ្ទិសដល់ព្រះមហាក្សត្រ៕ ដោយ៖លី ភីលីព
