អាមេរិក៖ ប្រទេសរុស្ស៊ីបាននិយាយថា ផ្កាយរណបឯកជនដែលកំពុងត្រូវបានប្រើប្រាស់ដោយសហរដ្ឋអាមេរិក និងសម្ព័ន្ធមិត្តរបស់ខ្លួនអាចក្លាយជាគោលដៅយោធាស្របច្បាប់ចំពេលមានសង្គ្រាមកំពុងបន្ត ក្នុងប្រទេសអ៊ុយក្រែន នេះបើយោងតាមការចេញផ្សាយពីគេហទំព័រឌៀលីម៉ែល។
ការកត់សម្គាល់ដែលធ្វើឡើងក្នុងសប្តាហ៍នេះដោយលោក Konstantin Vorontsov សមាជិកនៃក្រសួងការបរទេសរុស្ស៊ី និងជាប្រធានគណៈប្រតិភូរបស់ប្រទេសប្រចាំអង្គការសហប្រជាជាតិបានធ្វើឡើងក្នុងកិច្ចប្រជុំក្រុមការងារនៅទីក្រុងហ្សឺណែវ អំពីការកាត់បន្ថយការគំរាមកំហែង និងការបង្កើនកិច្ចសហប្រតិបត្តិការក្នុងលំហ។
លោក Vorontsov បាននិយាយថា គណៈប្រតិភូរុស្ស៊ីចង់គូសបញ្ជាក់អំពីនិន្នាការដ៏គ្រោះថ្នាក់បំផុត ដែលហួសពីការប្រើប្រាស់បច្ចេកវិទ្យាអវកាសខាងក្រៅគ្មានគ្រោះថ្នាក់ និងបានលេចចេញជារូបរាងក្នុងអំឡុងពេលព្រឹត្តិការណ៍នៅអ៊ុយក្រែ។
យោងតាមការបកប្រែជាភាសាអង់គ្លេសនៃសេចក្តីថ្លែងការណ៍របស់អង្គការសហប្រជាជាតិ លោក Vorontsov បានបន្តថា ការប្រើប្រាស់ទ្រព្យសម្បត្តិផ្កាយរណបពាណិជ្ជកម្ម និងស៊ីវិលដោយសហរដ្ឋអាមេរិក និងសម្ព័ន្ធមិត្តរបស់ខ្លួនក្នុងអំឡុងពេលការលុកលុយកំពុងបន្តលើអ៊ុយក្រែន ហើយបង្កើតការជាប់ពាក់ព័ន្ធដោយប្រយោលនៅក្នុងជម្លោះយោធា ថាតើ ពួកគេដឹងឬអត់។ អ្វីដែលហៅថា ហេដ្ឋារចនាសម្ព័ន្ធស៊ីវិលមួយមុខអាចនឹងក្លាយជាគោលដៅស្របច្បាប់សម្រាប់ការសងសឹក។
សេចក្តីថ្លែងការណ៍បន្តថា ការប្រើប្រាស់ផ្កាយរណបស៊ីវិលបង្កហេតុបែបនេះ ហើយមានចម្ងល់នៅក្រោមសន្ធិសញ្ញា Outer Space ផ្តល់សម្រាប់ការប្រើប្រាស់ដោយសន្តិភាពទាំងស្រុងលើលំហអាកាស ហើយត្រូវតែថ្កោលទោសយ៉ាងខ្លាំងពីសហគមន៍អន្តរជាតិ។ ការអត្ថាធិប្បាយរបស់រុស្សីមកដល់ចំពេលដែលវាត្រូវបានរុញច្រានដោយកងទ័ពអ៊ុយក្រែន ហើយភាពតានតឹងកំពុងកើនឡើងរវាងសហរដ្ឋអាមេរិក និងរបបដឹកនាំដោយលោក វ្ល៉ាឌីមៀ ពូទីន។
មន្ត្រីអាមេរិកបាននិយាយថា ប្រព័ន្ធផ្កាយរណប Starlink របស់លោក Elon Musk កំពុងផ្តល់ឲ្យកងកម្លាំងអ៊ុយក្រែនក្នុងការឈ្នះសង្រ្គាមយន្តហោះគ្មានមនុស្សបើក ខណៈប្រទេសនេះប្រើប្រាស់បច្ចេកវិទ្យាដើម្បីតាមដានការឈ្លានពានរបស់រុស្ស៊ី សូម្បីតែនៅតំបន់ដាច់ស្រយាលដ៏អាក្រក់របស់អ៊ុយក្រែនក៏ដោយ៕
ដោយ៖លី ភីលីព
