បើយោងតាមស្ថិតិរបស់ Worldometer ក្នុងចំណោមប្រទេសអាស៊ានទាំង ១០ ប្រទេសឥណ្ឌូណេស៊ី ជាប្រទេសដែលប្រើប្រាស់ប្រេងសាំងច្រើនជាងគេ ដោយក្នុងមួយថ្ងៃប្រើប្រាស់អស់ប្រមាណ ១,៦លានបារ៉ែល ឬ ប្រមាណ ១៩៣លានលីត្រក្នុងមួយថ្ងៃៗ។ បើធៀបនឹងការប្រើប្រាស់ទូទាំងពិភពលោក ឥណ្ឌូណេស៊ីជាប់លេខ ១៤។ ចំណែកឯកម្ពុជាវិញជាប់លេខ ៨ ប្រចាំអាស៊ាន ដែលប្រើប្រាស់ប្រេងសាំងសរុប ៤៨ ០០០បារ៉ែលក្នុងមួយថ្ងៃ ដែលប្រហាក់ប្រហែលនឹង ៥,៧លានលីត្រ។
ខាងក្រោមនេះជាការប្រើប្រាស់សាំងប្រចាំថ្ងៃរបស់ប្រទេសអាស៊ានទាំង ១០៖
១. ឥណ្ឌូណេស៊ី៖ ប្រើប្រាស់ ១,៦លានបារ៉ែលក្នុងមួយថ្ងៃ។
២. សិង្ហបុរី៖ ប្រើប្រាស់ ១,៣៥លានបារ៉ែលក្នុងមួយថ្ងៃ។
៣. ថៃ៖ ប្រើប្រាស់ ១,៣០២លានបារ៉ែលក្នុងមួយថ្ងៃ។
៤. ម៉ាឡេស៊ី៖ ប្រើប្រាស់ ៧០ម៉ឺនបារ៉ែលក្នុងមួយថ្ងៃ។
៥. វៀតណាម៖ ប្រើប្រាស់ ៤៧ម៉ឺនបារ៉ែលក្នុងមួយថ្ងៃ។
៦. ហ្វីលីពីន៖ ប្រើប្រាស់ ៤២ម៉ឺនបារ៉ែលក្នុងមួយថ្ងៃ។
៧. មីយ៉ាន់ម៉ា៖ ប្រើប្រាស់ ១២ម៉ឺនបារ៉ែលក្នុងមួយថ្ងៃ។
៨. កម្ពុជា៖ ប្រើប្រាស់ ៤៨ ០០០បារ៉ែលក្នុងមួយថ្ងៃ។
៩. ឡាវ៖ ប្រើប្រាស់ ១៨ ០០០បារ៉ែលក្នុងមួយថ្ងៃ។
១០. ប្រ៊ុយណេ៖ ប្រើប្រាស់ ១៦ ០០០បារ៉ែលក្នុងមួយថ្ងៃ។
គួរបញ្ជាក់ផងដែរថា នៅទូទាំងពិភពលោកសហរដ្ឋអាមេរិកប្រើប្រាស់សាំងច្រើនជាងគេក្នុងមួយថ្ងៃ ដោយប្រើអស់ ១៩លានបារ៉ែល តាមពីក្រោយដោយចិន ឥណ្ឌា និងជប៉ុន៕
ប្រភព៖sabay