បរទេស៖ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថាប្រទេសអ៊ីរ៉ង់ បានឈានទៅដល់ការចុះហត្ថលេខា ក្នុងការនាំចេញរថយន្ត ទៅឲ្យប្រទេសរុស្សី ដែលមានតម្លៃដល់ទៅ ៣០០លានដុល្លារ។
ប្រទេសរុស្សីគឺជាអតិថិជន ដ៏មានសក្តានុពលនិងធំជាងគេបំផុត របស់ប្រទេសអ៊ីរ៉ង់ ហើយក្រៅពីនោះអ៊ីរ៉ង់ ក៏បាននាំចេញរថយន្តជាច្រើន ទៅកាន់ប្រទេសវេណេស៊ុយអេឡា និងបណ្តាប្រទេស ក្នុងតំបន់អាមេរិកខាងត្បូងផងដែរ។
ប្រធានសមាគមកិច្ចការងារឧស្សាហកម្ម របស់ប្រទេសអ៊ីរ៉ង់លោក Mohammadreza Najafi Manesh បានលើកឡើងថា៖ ប្រទេសរុស្សីនិងវេណេស៊ុយអេឡា គឺជាទីផ្សារដ៏ល្អបំផុតរបស់រថយន្ត ផលិតនៅអ៊ីរ៉ង់ ហើយក៏មានមោទនភាពខ្លាំងដែរ ក្នុងនាមជាអ្នកនាំចេញរថយន្តមួយរបស់ទីផ្សារសកល ដែលកន្លងមកអ៊ីរ៉ង់ក៏ធ្លាប់នាំចេញ ទៅកាន់ប្រទេស Armenia និង Azerbaijanផងដែរ៕ ប្រែសម្រួល៖ស៊ុនលី
