ប៊ែរឡាំង៖ រដ្ឋមន្ត្រីការពារជាតិអាមេរិកលោកស្រី Christine Lambrecht បានឲ្យដឹងថា សភាអាល្លឺម៉ង់ បានអនុម័តកិច្ចព្រមព្រៀងទិញយន្តហោះចម្បាំង F-35 ដែលផលិតដោយក្រុមហ៊ុនការពារជាតិអាមេរិក Lockheed Martin ជាផ្នែកនៃគម្រោងលទ្ធកម្មយោធា ដែលមានតម្លៃ ១៣ ពាន់លានអឺរ៉ូ (១៤ ពាន់លានដុល្លារ)។
គណៈកម្មាធិការថវិការបស់សភា បានអនុម័តការទិញនេះ រួមទាំងទឹកប្រាក់ចំនួន ១០ពាន់លានអឺរ៉ូសម្រាប់យន្តហោះ F-35 ក៏ដូចជាមូលនិធិសម្រាប់ការទិញវិទ្យុឌីជីថល ដែលបានអ៊ិនគ្រីប និងកាំភ្លើងវាយប្រហារ។
ការទិញឧបករណ៍យោធា គឺស្ថិតក្នុងចំណោមការទិញប្រាក់ដំបូងគេពីមូលនិធិពិសេស ១០០ ពាន់លានអឺរ៉ូ ដែលអធិការបតីលោក Olaf Scholz បានប្រកាសនៅក្នុងការផ្លាស់ប្តូរគោលនយោបាយដ៏សំខាន់មួយថ្ងៃបន្ទាប់ពីការលុកលុយរបស់រុស្ស៊ីលើអ៊ុយក្រែននៅក្នុងខែកុម្ភៈ។
កញ្ចប់ថវិកានេះមានន័យថានឹងនាំយកអាវុធ និងឧបករណ៍របស់យោធាអាល្លឺម៉ង់ត្រឡប់ទៅតាមស្តង់ដារវិញបន្ទាប់ពីការខូចខាតរាប់ទសវត្សរ៍បន្ទាប់ពីការបញ្ចប់សង្គ្រាមត្រជាក់។
ក្នុងចំណោមមូលនិធិ ១០០ ពាន់លានអឺរ៉ូសម្រាប់កងកម្លាំងប្រដាប់អាវុធ លោកស្រី Lambrecht បានឲ្យដឹងថា “នេះប្រហែលជាមិនគ្រប់គ្រាន់នោះទេក្នុងការបិទចន្លោះប្រហោង ដែលបានលេចឡើងក្នុងរយៈពេលប៉ុន្មានឆ្នាំកន្លងមកនេះ ដោយសារតែយើងមិនយកចិត្តទុកដាក់លើលទ្ធកម្ម។”
អាល្លឺម៉ង់ មានបំណងទិញយន្តហោះចម្បាំងបំបាំងកាយ F-35 សរុបចំនួន ៣៥គ្រឿង រួមទាំងកាំជ្រួច និងសព្វាវុធ និងបរិក្ខារផ្សេងទៀត ជាមួយនឹងយន្តហោះចំនួន ៨ គ្រឿងដំបូងដែលនឹងត្រូវចែកចាយនៅឆ្នាំ២០២៦៕
ប្រែសម្រួល ឈូក បូរ៉ា
