អាមេរិក ៖ នេះយោងតាមការ ចេញផ្សាយពីគេហទំព័រ MSN បានប្រាប់ឲ្យដឹងថា លោកមហាសេដ្ឋី Elon Musk បានប្រកាសមុខងារថ្មីមួយចំនួន ដែលក្រុមការងារ របស់បណ្តាញ ផ្សព្វផ្សាយសង្គមយក្សអាមេរិក Twitter គ្រោងនឹងបន្ថែម ដើម្បីព្យាយាមបង្កើន បទពិសោធន៍អ្នកប្រើប្រាស់ នាពេលបច្ចុប្បន្ននេះ ។
មហាសេដ្ឋីរូបនេះ បានចូលទៅក្នុង Twitter នាពេលថ្មីៗនេះ ហើយបាន ប្រកាសថា ក្រុមហ៊ុនកំពុងធ្វើការ ដើម្បីដាក់ចេញនូវមុខងារមួយ ដែលអ្នកប្រើប្រាស់អាចឆ្លើយតប ទៅនឹង DMs នីមួយៗជាមួយនឹង emoji ណាមួយដោយពួកគេចង់បាន។ លោក Musk ក៏បានបន្ថែមថា ក្រុមហ៊ុនក៏កំពុងព្យាយាម បន្ថែមការអ៊ិនគ្រីប ទៅនឹងការសន្ទនាផងដែរ ។
លោក Musk បានសរសេរកលើ Tweet ជាផ្លូវការថា លោកមានបំណងដាក់ចេញនូវសមត្ថភាពក្នុងការឆ្លើយតបទៅ DMs នីមួយៗ ប្រើសញ្ញាអារម្មណ៍ប្រតិកម្ម និងការអ៊ិនគ្រីបនៅចុងខែនេះ ។ នាពេលបច្ចុប្បន្ននេះ នៅពេលអ្នកព្យាយាមឆ្លើយ តបទៅ DM នៅលើ Twitter ដោយប្រើសញ្ញាអារម្មណ៍ មានតែជម្រើស ៦ប៉ុណ្ណោះដែលអ្នកអាចជ្រើសរើសបាន ។
ទោះជាយ៉ាងណាក៏ដោយ អ្វីដែលលោក Musk មានន័យនោះគឺថា ក្រុមហ៊ុនកំពុងធ្វើការលើមុខងារមួយដែលនឹងធ្វើឲ្យអ្នកប្រើប្រាស់ឆ្លើយតបទៅ DMs ជាមួយនឹងប្រតិកម្មណាមួយ emojis ដោយហេតុនេះបង្ហាញថា អ្នកប្រើប្រាស់នឹងទទួលបាន emojis បន្ថែមទៀតដើម្បីជ្រើសរើស ដើម្បីប្រតិកម្មទៅនឹង DM ជាក់លាក់មួយ ៕
